З'явіўся сэрвіс, які дае магчымаць атрымаць знiжкi на тавары i паслугi за мову, паведамляе dev.by.

Праект носіць назву Say.by. Яго стваральнiк — кiраўнiк IТ-аддзела адной з мiнскiх кампанiй Аляксандр Шастаковiч. Ён распавёў парталу, што сайт Say.by i мабiльны дадатак iснуюць амаль ужо год. Аляксандра натхніла ініцыятыва «А-100» — у 2015 годзе кампанія перайшла на мову i пачала абслугоўваць на запраўках па-беларуску: «У мяне тады з’явiлася думка: а чаму б не аб’яднаць на адным сайце ўсе прадпрыемствы з жывой беларускай мовай».

Аляксандр тлумачыць, што для многiх аматараў роднай мовы гэта выдатны спосаб знайсцi месца, дзе можна размаўляць па-беларуску: «Вы, напэўна, заўважалi, што люді не спяшаюцца пачынаць размову па-беларуску, але ж ахвотна пераходзяць на мову, калi чуюць ад суразмоўцы. Я падумаў, калi мiнакi i жыхары iнщых гарадоў будуць дакладна ведаць, што ў нейкім месцы іх могуць абслужыць па-беларуску, яны ўпэўнена распачнуць дыялог».

Распрацоўка сайту — ад iдэi да гатовага праекту — заняла два гады. За паўгады каманда зрабiла мабiльны дадатак. «Неяк у Мiнск завiтаў мой былы калега Міхаіл Касцюковiч, якi перайшоў на беларускую мову, жывучы ў Амстэрдаме. Яго вельмi натхнiла iдэя праекту — i ён прапанаваў зрабiць дадатак для смартфонаў», — дадае Аляксандр.

Распавядаючы, як падабралiся астатнiя ўдзельнiкi каманды, Аляксандар кажа, што гэты касцяк сфармiраваўся стыхiйна: «I са з’яўленнем у ёй кожнага звязаная нейкая гiсторыя. За месяц да запуску мы заўважылі, што ў сеціве з’явiлася яшчэ некалькi праектаў з падобнай iдэяй. Мы звязалiся з iмi — Алесю Лагвінцу і Пятро Маркелаву з nabyvaj.by прапанова аб’яднацца здалася слушнай».

У нейкi момент у энтузiястаў з Say.by з’явiлася думка пазначыць месцы ў горазде налепкамi на шыбах «Падтрымлiваецца беларуская мова».

«Я звязаўся са сваёю калегаю Кацярынай Шавель, якая жыве ў Мюнхене. Апынулася так, што яна нас ужо бачыла: ёй нават вельмi спадабалася нашае лога — перагорнуты QR-код, стылiзаваны пад беларускi арнамент. Так яна таксама стала часткай нашай каманды», — гаворыць стваральнік.

У праекта ёсць i свае амбасадары — людзі, якія адказваюць за пошук новых месцаў, камунiкацыю i дамовы з прадрыемствамi. На гэты час яны наладзiлi супрацоўнiцтва з 221 установаю: «Грошы нiхто з нас за сваю працу не атрымлiвае: наадварот, мы ахвяруем свой час і сродкi — я аплачваю дамен, сервер, вяду перамовы, праграмісты пiшуць код у вольны ад асноўнай працы час».

У працэсе работы над праектам, вядома, абыйшлося не без цяжкасцяў, кажа Аляксандр: «Так, партнёрскiя дамоўленасцi з прадрыемствамi добра працавалi толькi ў Мiнску. У iншых гарадах нам маглi падцвердзiць недзе ў кавярнi: «Так, абслугоўваем па-беларуску!». Але, завiтаўшы да iх, мы чулi па факце рускую мову.

У некаторых гарадах Беларусi, напраклад, як у Полацку, дык зусiм цяжка было дамаўляцца: телефануешь некаму — i чуеш: «Ой, не-не-не… Не трэба нам гэтага!» Мы перадалi ў адзiн рэстаран мiнi-размоўнiкi, якiя разрацавалi супольна з Інстытутам мовазнаўства. Афiцыянты гарталi iх i здзiўлялiся: «Смажаныя на патэльнi… Што-што?».

Мiнi-размоўнiкi таксама ўнеслi i ў мабiльны дадатак. У мабiльным дадатку ёсць таксама навiгацыя праз Google Maps — можна не толькi знайсцi паблiзу месца, дзе размаўляюць па-беларуску, але ж i даведацца, як да яго дабрацца.

Аудыторыя сайту — не толькi жыхары Беларусі, але ж таксама «турысты і замежнікі, якім цікава пазнаёміцца з беларускай культурай і мовай».

У праекта ёсць свая facebook-суполка — у ёй каля 5,3 тысяч чалавек, і пра ўсё цікавае, звязанае з беларускай моваю, яны даведаюцца першымі. Напраклад, аб новых знiжках i акцыях: некаторыя прадпрыемствы даюць «зніжку за мову» тым, хто да іх звяртаецца па-беларуску. На сайце Say.by яны пазначаны асобна.

Каманда Say.by займаецца «прасоўваннем беларускай мовы» i праз розныя афлайнавыя актыўнасцi: яна праводзiць квесты, разам з «Арт-сядзібай» ладзіць святкаванне дня роднай мовы.

«Таксама мы друкуем сурвэткi з беларускiмi выразамi, каб пакупнiкi маглi нешта запытаць у прадаўца, а наведвальнiкi кавярнi цi рэстарана — замовiць каву цi папрасiць рахунак на мове», — кажа Аляксандр.