The Village распавядае пра добрыя звычкі і простыя дзеянні, якія могуць зрэшты зрабіць жыццё лепшым.

Марыя Гельман

крэатыўная дырэктарка Look At Media, аўтарка канала «Пакуты ўсвядомленнага выбару»

Кожная пластыкавая трубачка, якая калі-небудзь была зробленая, да гэтага часу дзесьці існуе. Сусветнай статыстыкі няма, расійскай — пагатоў, але ў ЗША, напрыклад, выкідваюць больш 500 мільёнаў пластыкавых саломінак кожны дзень.

Большая частка трубачак не пазначана ўтылізацыйным трохкутнікам, і перапрацоўчыя кампаніі іх амаль не прымаюць. Такім чынам, трубачкі проста выкідваюць. Нешта аказваецца на звалках, шмат што трапляе ў рэкі і ў рэшце рэшт у акіян, дзе запасіцца ў смеццевай выспе ў цэнтры Ціхага акіяна. Кожны год ад пластыка задыхаецца і пакутуе больш за 100 тысяч марскіх насельнікаў — напрыклад, у 2015 годзе мы ўсе назіралі, як заолагі выцягваюць з носа марской чарапахі пластыкавую трубачку.

Прагназуюць, што да 2050 года ў моры будзе больш пластыка, чым марскіх насельнікаў, калі мы не зробім захадаў.

— Дома пластыкавыя трубачкі можна замяніць на шматразовыя, зробленыя з бамбука, шкла ці метала. За імі досыць лёгка даглядаць, а мыць знутры можна адмысловай шчоткай .

— Калі з медыцынскіх меркаванняў трэба карыстацца аднаразовымі варыянтамі, якія раскладаюцца біялагічна, то выбірайце опцыю, зробленую з паперы або крухмалу. Але памятайце: для таго, каб яны распаліся, патрэбныя адмысловыя кампостныя ўмовы. На звычайных звалках, як правіла, такіх умоваў няма.

— трубачку можна насіць з сабой у спецыяльных наборах з іншымі заменнікамі аднаразовых рэчаў: відэльцамі, лыжкамі, калыпкамі і іншым.

Парада:

Замаўляючы кактэйль, каву, смузі ды іншыя напоі, не забудзьцеся папярэдзіць бармэна або кельнера, што вам не патрэбна трубачка. Інакш яе, хутчэй за ўсё, дадуць разам са шклянкай, і нават калі вы ёю не скарыстаецеся, то яна ўсё роўна апынецца на сметніку.

ФАТАГРАФІІ: fox17