The Village Беларусь з дапамогай экспертаў адказвае на самыя розныя пра жыццё горада. У гэты раз мы даведваліся, чаму ў метро поручні эскалатара едуць хутчэй за прыступкі.

У метро поручні эскалатара рухаюцца ледзь хутчэй або крыху больш павольна за ягоныя прыступкі. Ёсць версія, што ў гэтым палягае задума: пасажыры вымушаныя перыядычна перахопліваць поручні, якія не даюць заснуць асабліва стомленым. Ці так гэта насамрэч?

Розная хуткасць руху поручняў і прыступак звязаная з асаблівасцямі канструкцыі эскалатара. Лесвічнае палатно складаецца з прыступак і цягавых ланцугоў, яго прыводзяць у рух пры дапамозе электрычнага рухавіка і рэдуктара. Поручні рухаюцца ў выніку кручэння прываднога блока. З цягам часу прывадныя блокі зношваюцца, а іх дыяметр памяншаецца, таму поручні пачынаюць рухацца хутчэй. Згодна з нарматыўнымі дакументамі, хуткасць руху поручняў не павінна розніцца ад хуткасці руху прыступак больш чым на два адсоткі. Гэта кантралюецца, а невялікае адрозненне хуткасцяў — не праблема і небяспекі не нясе.

Ніякай функцыі ў розніцы хуткасцяў няма. Часам працоўнікі метро проста кажуць жартаўлівую водпаведзь, маўляў, розная хуткасць патрэбная каб пасажыры не заснулі на эскалатары. Але ж насамрэч гэта дапамагло б наўрад ці.

Ілюстрацыя: Насця Яравая