Амаль усе мы памятаем з дзяцінства туберкулінавую пробу (або рэакцыю Манту) — тэст, які дазваляе выявіць у арганізме інфекцыю сухотаў. Пра яго дагэтуль складаюць легенды, асноўная з якіх: манту нельга мачыць. Спыталi ў будучага педыятра, ці праўда гэта, і калі праўда, то з якой прычыны.

Надзея Пацімко

студэнтка медыцынскага ўніверсітэта

Спробу Манту робяць ўсім дзецям і падлеткам. Вакцынаваным БЦЖ (гэта прышчэпка супраць сухотаў) першую пробу Манту робяць у 12-месячным веку. Дзецям, якіх не вакцынавалі БЦЖ, спробу праводзяць з шасцімесячнага ўзросту раз на паўгода да атрымання прышчэпкі, а надалей — раз на год. Прапускаць пробы вельмі непажадана.

Вынік пробы ацэньваюць праз 72 гадзіны, вымерваюць памер папулы, якая развіваецца на месцы ўвядзення прэпарата.

Ці можна мачыць Манту? Насамрэч мыцца на працягу гэтых трох дзён, вядома, можна, але асцярожна — рукамі лепш не дакранацца. Можна асланіцца хусткай або ручніком, але ж не поліэтыленам або пластырам: пад матэрыялам без прадухі скура спрэе, размокне. Патрапіць вада – можа уфаравацца раздражненне, якое выкліча ўзмацненне рэакцыі, і таму такі яе могуць залічыць станоўчай. Тады спатрэбяцца дадатковыя спробы. Гэта значыць, пырскі пры старанным мыцці рук шкоды не наробяць, а вось адведкі басейна, саўны ці лазні варта адкласці. І абсалютна дакладна нельга манту грэць, церці, чухаць або пакрываць ёднай сеткай.

У астатнім рэакцыя на спробу Манту можа быць станоўчай, калі чалавек сапраўды інфікаваны ці ўжо хворы, а таксама калі яго імунны адказ чымсьці узмоцнены — напрыклад, інфекцыйным або саматычным захворваннем ці алергіяй.

Дарослым спробу Манту не робяць: масавы метад дыягностыкі — штогадовая флюараграфія. Наогул кажучы, сухоты — падступныя сваёй адсутнасцю сімптомаў на пачатку хваробы і вельмі цяжкім хварэннем, так што не абараняцца ад яго прышчэпкамі і адмаўляцца ад своечасовай дыягностыкі — небяспечна для жыцця.

Ілюстрацыі: Насця Яравая