Не кожны застаецца сыты пасля абеду на борце самалёта. Для кагосьці порцыя занадта малая, камусьці падалася ядомым толькі салата, а камусьці так прыйшлося да душы першае, што ён з'еў бы яшчэ катлеты з пюрэ. Ці могуць пасажыры папрасіць дабаўкі і якія шанцы на поспех, The Village даведаўся ў сцюардэсы.

Ці можна папрасіць дабаўку абеду ў самалёце?

Святлана Ганчарова

сцюардэса у авіякампаніі

Харчаванне загружаецца строга паводле колькасці пасажыраў. Справа ў тым, што спісы фармуюцца да моманту загрузкі харчавання на борт самалёта, адпаведна і цэх бартавога харчавання, і кабіна экіпажа загадзя ведаюць, колькі чалавек будзе на борце. Асабліва гэта тычыцца ланчаў і гарачага харчавання. Часцяком прывозяць адну-дзве запасныя порцыі, але гэта не абавязкова і не заўжды адбываецца.

Вельмі часта некаторыя пасажыры адмаўляюцца ад харчавання на борце самалёта. І, вядома, вы можаце спытаць аб наяўнасці дадатковай порцыі у бартавых праваднікоў. Як правіла, калі такія порцыя ёсць, вам не адмовяць.

Акрамя таго, вы заўсёды можаце папрасіць дадатковыя напоі, хоць прадугледжана, што, у залежнасці ад працягласці палёту, вам і так некалькі разоў прапануюць сокі, газаваную ваду, гарбату і каву. А наагул піце падчас лёту як мага больш мінеральнай негазаванай вады. Гэта ўсцеражэ скуру ад сухасці i забяспечыць арганізм дастатковай колькасцю вадкасці.