Заязджаючы ў новы нумар гатэля, вы знойдзеце не толькі свежую бялізну і некалькі бутэлечак вады на начным століку, але таксама туалетную паперу, загорнутую ў форме канверціка. The Village даведаўся ў экспертаў, як з'явілася і што азначае гэтая традыцыя гасціннасці.

Наталля Ізотава

намесніца генеральнага дырэктара гатэля

Думаю, гэта робяць з эстэтычных меркаванняў, а таксама ў рамках негалоснай нормы этыкету. Мы арыентуемся на міжнародныя стандарты гасціннасці. У розных гатэлях з туалетнай паперай абыходзяцца па-рознаму. Дзесьці проста загорваецца кончык, а дзесьці ёсць адмысловая налепка, якую мы дадаткова прыляпляем да кончыка пасля загортвання. Госці павінны адчуць, мы рыхтуем нумары адмыслова для іх. Не павінна ўзнікаць сумневаў, што пакоі выкарыстоўваліся кімсьці яшчэ.

Таццяна Кібірава

прэзідэнт Клуба прафесіяналаў гасціннасці

Заведзена не толькі загортваць кончык туалетнай паперы, але і наляпляць на яго налепку. Гэта робяць у гігіенічных мэтах: кончык чапалі рукамі, а знакам тым, да яго ўжо дакраналіся — ён не стэрыльны. Госць адрывае загорнуты кончык разам з налепкай і карыстаецца ўжо чыстай туалетнай паперай. У некаторых гасцініцах кончык не падкасваюць, але налепку ўсё роўна наляпляюць. Гэта значыць, што рулон цэлы і гатовы да выкарыстання.

Жанна Прошкіна

менеджэр па маркетынгавых камунікацыях гатэляў Hyatt Hotels

У нашых гатэлях не закасваюць кончык туалетнай паперы, гэтая традыцыя здаецца нам перажыткам мінулага. У нумарах не павінна быць нічога лішняга, да таго ж гэта не вельмі гігіенічна: хтосьці ж датыкаўся да кончыка, каб яго загарнуць. Таму мы пакідаем рулоны ў першапачатковым выглядзе.

Ілюстрацыі: Воля Воўк