Нашы чытачы пытаюцца, ці можа мыла быць брудным. Часам глядзіш на абмылак у грамадскай прыбіральні і не ведаеш, што бяспечней: памыць рукі ці не чапаць яго? Мы запыталіся пра гэта ў мікрабіёлага Яўгена Кулікова.

Ці бывае мыла брудным?

Яўген Кулікоў

мікрабіёлаг

Мыла не забівае бактэрый, яно паслабляе сувязь бруду і бактэрый з рукамі, і гэта дазваляе іх лёгка адмыць. Але бактэрыі і асабліва вірусы не вельмі ўстойлівыя да павярхнёва-актыўных рэчыў, таму жыць на паверхні мыла яны не будуць, прынамсі, тыя, што небяспечныя для чалавека. У прынцыпе, калі нават які кавалак упаў на падлогу, яго можна памыць пад кранам, ды ён стане зноў чыстым: верхні пласт здымецца, і мыла будзе як новае. Дарэчы, нягледзячы на ​​тое, што ў шматлікіх грамадскіх прыбіральнях цяпер выкарыстоўваюць вадкае мыла, і на першы позірк яно здаецца бяспечнейшым, лепш карыстацца цвёрдым мылам: яго нельга развесці вадой, як у нас любяць рабіць дзеля ашчаджэння.

У распушчанай мыльнай рошчыне могуць пасяліцца хваробатворныя мікраарганізмы. Кран таксама не такі ужо брудны і небяспечны, таму што бактэрыі на ім доўга не жывуць, няма чаго ім там есці.

Дарэчы, калі не мыць рук пасля прыбіральні, не адбудзецца анічога — ну калі вы не працуеце на прадпрыемстве грамадскага харчавання, ці не гатуеце ежу без тэрмічнай апрацоўкі, ці вы, скажам, хірург, які аперуе. Ад колькасці хваробатворных бактэрый, якія паступілі ў арганізм, залежыць тое, захварэе чалавек ці не — паасобныя клеткі бактэрый, хутчэй за ўсё, не выклічуць ніякіх праблем. Рукі трэба мыць перад харчаваннем, гатаваннем ежы ды іншымі справамі, пры якіх бактэрыі з рук будуць мець магчымасць размножыцца і нарабіць праблем.

Ілюстрацыя: Саша Пахвалін