З вялікім сумам і любоўю да праекта, уся каманда The Village Беларусь пакідае яго, а само выданне пераходзіць у спячы рэжым.

Шэсць гадоў таму сваёй мэтай мы выбралі рабіць Менск лепшым. І ўвесь гэты час мы змагаліся за чыстыя пад’езды, добрыя рэстараны, правільную вышыню бардзюраў, супраць сэксізму, гамафобіі, рэжыму і бязмежжа ўладаў. Мы вырасцілі трафік ад нічога да 1,5 мільёнаў карыстальнікаў за вельмі кароткі тэрмін.

Аднойчы старшыня Менгарвыканкама зладзіў вывалачку сваім супрацоўнікам за тое, што яны робяць рамонт не той дзялянкі маста, як ён прачытаў на The Village. На самой справе яны рамантавалі правільны адрэзак — проста мы таксама часам робім памылкі ў навінах.

Нас заблакавалі 9 жніўня 2020 года — аднымі з першых, — а 10-га жніўня на The Village выйшаў артыкул «МУС: Міністэрства разгонаў, збіванняў і катаванняў».

Далей нас затрымлівалі, саджалі, паграджалі, паласкалі ў прапагандзе, блакавалі ўжо і ў Расеі, рабілі «экстрэмістамі».

Дзякуй, што чыталі The Village і былі побач з намі. Менск наш!

Галоўны рэдактар, Жэня Сугак.