Частая сітуацыя ў гасцях: вы збіраецеся за стол і ідзяце ў ванны пакой вымыць рукі. Гаспадар у той момант заняты збіраннем на стол або размовамі з іншымі гасцямі, таму ён вас не папярэдзіў, якім ручніком можна выцерціся. The Village Беларусь раіць, што рабіць у такой далікатнай сітуацыі і ці варта спрабаваць выцерці рукі аб гаспадарскага ката.

Як на добры лад, дык гаспадар сам павінен прапанаваць вам выцерці чымсьці рукі. У заможным доме гэта абавязак прыслугі, пакаёўкі. Калі гэтага не адбылося, ні ў якім разе не пытайцеся самі. Этыкет вучыць не паказваць у гасцях на недагляд гаспадара і не прыцягваць залішняе ўвагі да ўсяго, што неяк, нават ускосна, звязана з прыбіраннем і страваваннем, у тым ліку да мыцця рук, якое звычайна адбываецца перад ядой. У гэтым выпадку, паколькі вам не прапанавалі ручнік, лічыцца, што гаспадар даў пудла. Агледзьцеся ў ванным пакоі — магчыма, вы ўбачыце невялікія згорнутыя ручнікі, якія служаць як гасцявыя. Або папяровыя ручнікі. Калі нічога такога няма, лепш неяк непрыкметна выйсці са становішча — скарыстацца туалетнай паперай ці, зрэшты, выцерці рукі ўласнай насоўкай або папяровай хусткай. Калі і гэтага з сабой няма, трэба паспрабаваць неяк стрэсці ваду, пабоўтаць рукамі ў паветры, пачакаць, калі яны падсохнуць, і пасля гэтага выйсці да гасцей. З мокрымі рукамі з’яўляцца не варта.

Па вяртанні з ваннага пакою намякаць гаспадару на яго памылку не трэба. Найвышэйшая праява этыкету — ніяк не загадваць чалавеку пра тое, што якраз ён этыкет не выконвае.