Лепшым беларускім фільмам на кінафестывалі «Паўночнае ззянне» стаў дакументальны хорар «Мара» рэжысёра Сашы Кулак, паведамляецца на Facebook-старонцы мерапрыемства.

«Мара» — гэта дакументальны хорар пра боль, надзею, жаноцкасць і барацьбу за свабоду, пра агульны дурны сон, ад якога не можа прачнуцца цэлы народ.

У цэнтры гэтай гісторыі — маладая жанчына, якая стала сведкай прэзідэнцкіх выбараў і пратэстаў у Беларусі. Яна ўвасабляе Мару — дух славянскай міфалогіі, які прыносіць людзям добрыя сны і кашмары. Разам з жанчынай, якую непакояць карціны з вуліц, гледачы сочаць за разгортваннем падзей і яе ваганнямі паміж неабходнасцю жыць у рэчаіснасці і ўцёкамі ў свет сноў. Фільм пераключаецца з сапраўдных запісаў паліцэйскага гвалту на хараство начных мар.

Рэжысёра фільма Саша Кулак з’ехала з Беларусі ў свае 16 гадоў, а ў 2020 годзе вярнулася на радзіму, каб удзельнічаць у лёсе краіны. Аўтарка нашумелых «Саламанкі» і «Хронікаў ртуці» не планавала здымаць фільм, але паступова з’явілася ідэя і шмат пачуццяў, якія хацелася перадаць. Яна кажа, што для яе гэты фільм — даследаванне страху.

«Для мяне гэта фільм аб даследаванні страху. Там ёсць сцэны пратэстаў, але яны выступаюць бэкграўндам. Героі маёй карціны апынуліся ў сітуацыі, у якой не хацелі аказвацца. Я хацела перадаць адчуванне эйфарыі і надзеі, якое перарастае ў страх і безнадзейнасць. Праз гэта прайшлі прыкладна ўсе», — расказвала рэжысёр «Мары» у інтэрвью «Настоящему времени».

Помогите нам выполнять нашу работу — говорить правду. Поддержите нас на Patreon

и получите крутой мерч