УлiкЧаму добра варыць каву дома

Мы аднойчы ўжо пісалі, якая сабекошт кубка кавы ў  кавярнях: зерне, малако і папяровы кубак каштуюць прыкладна 70 капеек, хаця за гатовы напой папросяць 2-5 рублёў. І гэта зразумела: трэба заплаціць за арэнду, за працу работнікаў, электрычнасць, абсталяванне – і выйсці ў плюс.

Піць каву па дарозе на працу прыемна. Але калі рабіць гэта кожны дзень, то можна выдаткаваць блізу 60 рублёў на месяц. Здавалася б, не надта значная сума для людзей з сярэднім прыбыткам, але калі штомесяц адкладаць на рахунак гэтыя 60 рублёў, то прыканцы года можна назапасіць на квіткі ў Нью-Ёрк. А там ужо выпіць кавы з круасанам ля вітрыны крамы Tiffany.

Зусім адмаўляцца ад ранішняе кавы, пэўна, не варта. Але можна пачаць варыць яе дома: кілаграмовы пачак зернявой Lavazza, якога хопіць месяцы на тры, у інтэрнэт-крамах каштуе ад 50 рублёў.

Для гатавання кавы не абавязкова выдаткоўваць на кавамашыны вялізныя грошы (нашы калегі з расійскага Village тэставалі такія дарагія апараты ўсёй рэдакцыяй – і не сказалі, што тыя машыны робяць нейкае чараўніцтва). Каву можна варыць у звычайнай турцы ці гейзернай кававаркі – менавіта ў такіх вараць каву дома італьянцы. Карыстацца ёю проста і зручна, а праслужыць яна можа дзесяцігоддзі (калі не калупаць нажом гумовы абвод ля фільтра і як след мыць корпус).

Кава ў ёй атрымліваецца моцная – можна піць яго па-італьянску нагбом або змешваць з цёплым малаком і браць з сабой у термакубку. Напэўна, яна выглядае не так файна, як шкляначка ў моднай кавярні, затое з ёй вы набліжаецеся да сняданку ў Ціфані.