Пытанне, з якой стравы карысней і весялей пачынаць дзень, дагэтуль актуальнае. Часта сняданкамі грэбуюць у прынцыпе — напрыклад, калі з раніцы кавалак не лезе ў горла або калі банальна няма часу прыгатаваць тое, што сапраўды захочацца з'есці. Каб вы маглі з новымі сіламі ўзяцца за штодзённыя справы, The Village Беларусь даведаўся ў маскоўскіх шэф-кухараў нескладаныя рэцэпты хуткіх у гатаванні страваў, якія дапамогуць прачнуцца.

Панкейки з ягадамі

СКЛАДАНАСЦЬ

Час гатавання

10 хвілін

Складнікі:

Мука — 200 г,

Алей — 40 г,

Цукар — 40 г,

Малако — 250 г,

Яйкі — 2 штукі,

Разрыхляльнік — 20 г.

Сяргей Кустаў, шэф-кандытар Breakfast Club

Рэцэпт досыць просты — падрыхтавацца да яго атрымаецца вельмі хутка, а цеста настойваць не трэба. Неабходна проста змяшаць усе складнікі адзін з адным да аднастайнай масы, а пасля выпякаць на моцным агні. Страва хутка гатуецца, што асабліва важна для сняданкаў.

Мы раім падаваць панкейкі з ягадамі (напрыклад, з малінамі, трускаўкамі і буякамі). Таксама для падачы пасуе згушчанае малако ці які іншы салодкі соус.

Тосты са скрэмблам з чэдарам, гуакамоле і беконам

СКЛАДАНАСЦЬ

Час гатавання

8 хвілін

Складнікі:

Цэлазерневы хлеб — 2 кавалкі,

Авакада — 1 штука,

Цытрынавы сок — 10 мл,

Соль — 1 г,

Свежамолаты чорны перац — 1 г,

Чылі — драбок,

Яйкі — 2 штукі,

Чырвоны чэдар — 20 г,

Малако — 50 мл,

Бекон — 40 г.

Уладзімір Каваноўскі, шэф-кухар кавярні Table

У першую чаргу варта прыгатаваць гуакамоле — растаўчы авакада ў ступцы або відэльцам, дадаць да яго цытрынавы сок, соль, чорны перац і крыху чылі.

Яйкі змяшаць з малаком, узбіць, дадаць сыр, яшчэ раз змяшаць і ўліць на разагрэтую патэльню, гатаваць цягам хвіліны памешваючы сіліконавай лапаткай. У гэты час на іншай патэльні абсмажыць бекон з абодвух бакоў. Хлеб падсмажыць на патэльні, выкласці на яго гуакамоле, затым скрэмбл і бекон.

Шакшука

СКЛАДАНАСЦЬ

Час гатавання

15 хвілін

Складнікі:

Часнок — 1 сярэдні зубчык,

Алівы — 4-6 шт.,

Балгарскі перац — 1 шт.,

Памідор — 1 шт.,

Таматная паста — 2 ст. л.,

Яйка — 2 шт.,

Зеляніна — драбок,

Заатар — дробка,

Соль — шчопаць,

Каляндра — ½ чайнай лыжкі,

Кумін — ½ чайнай лыжкі,

Цукар — драбок,

Чылі перац — ½,

Алей — 2 ст. л.

Тадэвуш Вайтовіч, сузаснавальнік і шэф-кухар ланчэрыі «Лафлафель»

На патэльні разагрэць пару сталовых лыжак алею, дадаць да яго па палове чайнай лыжкі каляндры і куміну. Як пойдзе пах — дадаць раздушаны і шаткаваны часнок і чылі, абсмажыць. Дадаць цэлыя алівы і пасечаны кубікамі сярэдняга памеру балгарскі перац.

Абсмажваць 5 хвілін, пасля чаго парэзаць адзін невялікі памідор на дробныя кубікі і пасля абсмажваць 5 хвілін разам з парай долек цытрыны.

Пасля дадаць дзве сталовыя лыжкі таматнай пасты і тры сталовыя лыжкі вады. Дадаць цукар і паперчыць, змяшаць і абсмажваць пару хвілін. Калі соус пачне кіпець — дадаць у яго яйкі, пасаліць і накрыць вечкам.

У залежнасці ад жаданай абсмажанасці яйкі пакінуць на агні ад 3 да 5 хвілін. На смак — прысыпаць заатарам, зелянінай, сырам.

Смёрэброд са слабасалёным ласосем

СКЛАДАНАСЦЬ

Час гатавання

4 хвіліны

Складнікі:

Збожжавы хлеб (лепш за ўсё — чорны талінскі, але можна замяніць барадзінскім) — 1 скіба,

Масла — 10 г,

Кропавы маянэз (хатні або пакупны маянэз з дадаткам дробна насечанага кропу) — 10 г,

Слабасалёны ласось (можна засаліць самому, але лягчэй купіць ужо гатовы ў вакуумнай запакоўцы) — 45 г,

Зеляніна кропу — драбок,

Радыска (парэзаць скрылікамі),

Сушаная цыбуля — 5 г,

Мус з хрэнам (такі прадаецца ў банках у крамах, але можна замяніць на свежацёрты хрэн на свойскай тарцы),

Зялёныя мочаныя таматы — 30 г,

Зялёнае масла (алей з травы: пятрушкі, кропу і гэтак далей) — 1 г.

Андрэй Карабяк, шэф-кухар рэстарана MØS

Зусім нядаўна такі смёрэброд, нароўні з вялікім кубкам салодкай чорнай гарбаты і чаркай аквавіты (нацыянальнага скандынаўскага алкагольнага напою), быў неад'емнай часткай сняданку дацкага рыбака. Да гэтага часу смёрэброд з ласосем або селядцом з'яўляецца часткай сняданку ў Даніі.

На распаленай патэльні абсмажыць хлеб да з'яўлення духмянай скарыначкі. Нашмараваць мус з хрэнам. На мус укладваем некалькі тонкіх скрылікаў зялёных мочаных таматаў. На таматы —два-тры кавалачкі слабасалёнаа ласося. Топінг на ласось — зялёны маянэз на аснове кропавага масла, трохі сушанай цыбулі, скрыдлікі радыскі, зеляніну кропу (без сцяблін), трохі зялёнага алею — і наш смёрэброд са слабасалёным ласосем гатовы.

Аўсяная каша з бананам, чарніцамі і размарынам

СКЛАДАНАСЦЬ

Час гатавання

7 хвілін

Складнікі:

Аўсянка — 40 г,

Банан — 100 г (гэта адзін банан),

Чарніцы — 35 г,

Какосавае масла — 5 г,

Вінаградны сіроп — 10 г,

Размарын — 3 г.

Эндзі Тон, шэф-кухар кавярні пры канцэпт-сторы «Кузнецкі Мост 20»

Спярша апускаем аўсянку ў кіпячую ваду, дадаём банан і чарніцы. Варым 5–7 хвілін, а за 2 хвіліны да гатоўнасці дадаём дробна насечаны размарын.

Выкладаем кашу ў талерку, зверху аздабляем бананам, нарэзаным колцамі, падаём асобна какосавае масла і вінаградны сіроп. У свойскіх умовах вінаградны сіроп можна замяніць вадкім мёдам.

Смажаныя грэнкі ў яйку і цукры

СКЛАДАНАСЦЬ

Час гатавання

7 хвілін

Складнікі:

Хала (хлеб з «коскамі») — 280 г,

Малако — 40 г,

Яйка — 1 штука,

Цукар — 30 г,

Алей — 20 г,

Малінавае сочыва — 50 г.

Вольга Бубенька, шэф-кухарка рэстарана «Адэса-мама»

Адразаем дзве скібы халы прыкладна па 50 грамаў і вымочваем хлеб у малацэ. Яйкі разбіваем і ўзбіваем. Мачаем хлеб у яйка, выкладваем на патэльню, пасыпаем на грэнкі па 15 грамаў цукру з кожнага боку. Абсмажваем да залацістага колеру, выкладваем на сурвэтку. Пасля, калі ўсмокчуцца лішкі алею, перакладаем на талерку. Наліваем сочыва ў соуснік — смачна есці!

Смажаныя парэчкі з фермерскім тварагом, зялёнай салатай і шарыкам ванільнага марозіва

СКЛАДАНАСЦЬ

Час гатавання

3 хвіліны

Складнікі:

Свежыя парэчкі (чырвоныя і чорныя) — 60 г,

Трысняговы цукар — 10 г,

Бальзамічны воцат — 10 м,

Масла — 10 г,

Фермерскі тварог — 100 г,

Свежая салата (на ваш густ) — 20 г,

Шарык ванільнага марозіва.

Крысціна Чарняхоўская і Аляксей Ніканаў, шэф-кухары кавярні «Искра»

Абсмажце парэчкі з цукрам на масле так, каб ягады не страцілі форму. Зверху апырскайце бальзамічным воцатам, патаміце дзве хвіліны. Падавайце з лісцем свежай салаты, фермерскім тварагом і шарыкам марозіва.

Ласось з дранікамі

СКЛАДАНАСЦЬ

Час гатавання

10 хвілін

Складнікі:

Яйка — 1 штука,

Сталовы воцат 9 % — 10 мл,

Галандская бульба — 225 г,

Алей — 15 мл,

Філе слабасалёнай сёмгі — 100 г,

Мука — 15 г.

Запраўка да салаты:

Рыбны соус — 30 мл,

Соевы соус — 25 г,

Чырвоны вінны воцат — 25 мл,

Фундуковы алей — 20 мл.

Дадаткова:

Мяшанка зялёных салатаў з рукалы.

Віталь Карсаеў, брэнд-шэф «Кофемании»

Бульбу нацерці на буйнай тарцы, адціснуць, дадаць муку і абсмажыць на алеі. Дранікі выкласці на талерку, побач — тонкія лустачкі сёмгі, зверху на дранік пакласці яйка пашот. Прыгатаваць запраўку, дадаць у мікс салат і аформіць дранікі запраўленай салатай.

ФОТАЗДЫМКІ: вокладка, 8 — «Кофемания», 1 — Breakfast Cafe, 2 — Table, 3 — ланчэрыя «Лафлафель», 4 — MØS, 5 — «Кузнецкі Мост 20», 6 — «Адэса-мама», 7 — кавярня «Искра»