Рэцэпты кухараў3 рэцэпты восеньскіх пірагоў

 Гатуем пясочнае цеста. Змешваем пшанічную муку, 60 грамаў міндальнай мукі, 300 грамаў масла, цукровую пудру і адзін грам ваніліну. Пасля дадаём два яйкі. Як след замешваем цеста і выкладваем на бляху радыусам не больш за 30 сантыметраў. Выпякаем ў печы да паловы гатоўнасці пры тэмпературы 170 градусаў (5–7 хвілін).

 Разразаем яблыкі на восем частак, пасыпаем карыцай і адпраўляем у печ на 5 хвілін пры той жа тэмпературы. У сярэдзіне працэсу яблыкі неабходна будзе перакуліць на іншы бок і таксама пасыпаць карыцай.

 Гатуем міндальныя крэм. Узбіваем цукар са 125 грамамі масла, пасля дадаём у масу два яйкі, 25 грамаў міндальнай мукі і паўтара грама ваніліну. Як след узбіваем да атрымання аднастайнай крэмавай масы.

 На атрыманае цеста раўнамерна выкладваем міндальны крэм і зверху яблыкі. Пірог ставім у печ і выпякаем да залацістай скарыначкі пры тэмпературы 170 градусаў (5 хвілін).

 Запальваем духоўку на 190 градусаў і гатуем цеста. Масла павінна быць вельмі халодным і нарэзаным на кубікі, змешваем яго на стале з мукой і цукрам і пераціраем рукамі — атрымліваецца досыць дзіўная і неаднастайная маса. Дадаём ледзяную ваду і яшчэ раз мяшаем. Задачы атрымаць аднастайную і гладкую масу няма. Маленькія неперамяшаныя да канца кавалачкі масла пры выпяканні растануць, і цеста атрымаецца пухкім, храбусткім і лёгкім. Гатовае цеста будзе выглядаць незвычайна —хай вас гэта не палохае. Загортваем тое што атрымалася ў плёнку, і прыбіраем у лядоўню. Вам будзе зразумела, што час пячы пірог, калі цеста зробіцца цвёрдае і не будзе ліпнуць да рук, стала і качалкі.

 Цеста дзелім на дзве часткі (ніжняя частка атрымалася крыху большая). Раскочваем першую палоўку качалкай адпаведна з памерам формы і ўкладаем на нашмараванае маслам днішча і сценкі формы. Тут ёсць адна важная дэталь: каб дно атрымалася не сырым і не адвалілася, а выйшла храбусткім, усё начынне не змешваецца да апошняй хвіліны — ягады патрэбныя толькі марожаныя, і іх нельга змешваць загадзя з цукрам.

 У місу кладзём усе складнікі начыння, змешваем некалькімі энергічнымі рухамі шуфлікам (выключна драўляным) і высыпаем ў форму з цестам. Кладзём зверху некалькі кубікаў масла, раскочваем пакінутае цеста і накрываем. Абавязкова трэба намазаць верхавіну ўзбітым яйкам і пасыпаць цукрам.

 У разагрэтую духоўку ставім пірог і памяншаем тэмпературу да 180 градусаў. Пячыся ён будзе 10–15 хвілін. Усё залежыць ад дыяметра вашай формы: чым яна большая, тым танчэйшае цеста, і яно хутчэй прапячэцца. Пірог лепш есці гарачым — так найсмачней. Або пачакайце, пакуль пірог цалкам астыне, тады яго можна будзе дастаць з формы і парэзаць на ахайныя кавалачкі.

Дарэчы, вельмі смачна да гэтага пірага ўзбіць з цукрам самую тлустую смятану, якую знойдзеце ў краме, — так атрымаецца зусім па-свойску.

 Для атрымання марынаду змешваем усе складнікі. Палтус марынуем некалькіх гадзін. Лісце кейла апарваем падсоленай вадой.

 Бярэм пласцінкавае цеста і загортваем ў яго спачатку кейл, а потым марынаваны палтус.

 Змазваем яйкам і выпякаем 17 хвілін пры тэмпературы 180 градусаў.

 Варым самы звыклы для вас рыбны булён, дадаём у яго соевы соус, кімчы і міса-пасту на смак. Вяршкі каляндры або любую зеляніну можна дадаць таксама.

 Перад падачай выкладаем на талерку зеляніну, пасля — пірог. Перад тым, як госць пакаштуе страву, раім злёгку паліць яе булёнам.