Ніводзін навагодні стол не абыходзіцца без галоўнай святочнай салаты аліўе. Мы ўклалі падборку складзеную з шасці незвычайных рэцэптаў традыцыйнай салаты, каб крыху ажывіць класічную страву.

Аліўе з крабаў і чырвонай ікрой


склад:

Агурок салёны - 20 г

Агурок свежы - 20 г

Яйка курынае - палоўка

Морква вараная - 20 г

Бульба вараная - 20 г

Маянэз - 15 мл

Філе краба - 40 г

Чырвоная ікра - 10 г

Соус «Галандэз» - 30 мл

Яйкі перапёлкі - 2 штукі

Гарошак зялёны замарожаны - 10 г

Складнікі для соуса «Галандэз»:

Жаўткі курыныя - 3 штукі

Масла - 100 г

Лімонны сок - 30 мл

Перац чорны молаты - шчопаць

Соль - 2 шчопці

СПОСАБ ПРЫГАТАВАННЯ:

Прыгатаваць соус «Галандэз». Масла растапіць і асцюдзіць да пакаёвай тэмпературы. Нагрэць ваду ў каструльцы да 80 градусаў і зменшыць агонь на мінімум. Паставіць зверху міску, у якую выліць жаўткі і лімонны сок. Як след узбіць іх на вадзяной лазні (4-5 хвілін) і пасля тонкім струменьчыкам ўліць масла, працягваючы ўзбіваць. У канцы дадаць соль і перац, яшчэ раз узбіць.

Яйкі перапёлкі адварыць ўсмятку. Курынае яйка адварыць укрутую. Асцюдзіць. Гарошак зялёны адварыць і асцюдзіць. Агуркі, моркву, бульбу і курынае яйка нарэзаць дробным кубікам. Дадаць зялёны гарошак і змяшаць усе з маянэзам.

Выкласці салату на талерку, аздобіць палоўкамі яек перапёлкі. На салату выкласці соус «Галандэз» і філе краба. Ўпрыгожыць чырвонай ікрой.

Свойскае аліўе з ракавымі шыйкамі


склад:

Бульба вараная - 160 г

Морква вараная - 160 г

Яйкі - 4 штукі

Агуркі салёныя - 160 г

Ракавыя шыйкі - 80 г

Гарошак кансерваваны - 155 г

Свойскі маянэз - 100 г

Ікра чырвоная - 50 г

Зялёны лук - 3 г

складнікі для свойскага маянэз:

Аліўкавы алей Extra Virgin - 200 мл

Яечныя жаўткі - 2-3 штукі

Цукар - адна чайная лыжка без “горкі”

Соль - чвэртка чайнай лыжкі

Гарчыца сталовая - палова чайнай лыжкі

Цытрынавы сок - паводле густа

СПОСАБ ПРЫГАТАВАННЯ:

Прыгатаваць свойскі маянэз. Старанна змяшаць жаўткі з цукрам, соллю і гарчыцай. Пакрысе дадаючы патроху аліўкавы алей, кругавымі рухамі ў адзін бок старанна эмульгавать складнікі. У канцы колькасць уліванага алею можна павялічваць, але спачатку дадаваць яго тонкім струменьчыкам, вельмі асцярожна. У канцы дадаць ў эмульсію цытрынавы сок, яшчэ раз дбайна змяшаць і ненадоўга паставіць маянэз ў лядоўню, каб соус трохі згуснуў. Гародніна, вараныя яйкі і ракавыя шыйкі нарэзаць кубікам. Скласці нарэзаныя складнікі ў місу, пасаліць, змяшаць. Дадаць кансерваваны гарошак і чырвоную ікру. Ахайна змяшаць. Заправіць салату свойскім маянэзам. Аздобіць страву дробна посечанымі зялёным лукам.

Аліўе з ростбіфам


склад:

Бульба вараная - 40 г

Морква вараная - 15 г

Гарошак кансерваваны - 25 г

Яйка варанае - 1 шт.

Ростбіф - 40 г

Зялёны лук - 6 г

Барадзінскі хлеб - 75 г

Свойскі маянэз - 30 г

Жэле з гурка - 40 г

Складнікі для свойскага маянэза:

Жаўткі - 3 штукі

Гарчыца сталовая - 10 г

Воцат сталовы - 20 мл

Цукар - 14 г

Соль - 2 г

Алей - 220 мл

Складнікі для жэле з гуркоў:

Гурковы сок - 40 г

Жэлацін - 1,2 г

Соль - шчопаць

СПОСАБ ПРЫГАТАВАННЯ:

Прыгатаваць жэле з гурка. На воднай лазні ўвесці разведзены жэлацін у свежавыціснуты сок з гурка, дадаем трохі солі. Надаць жэле форму агурка, калі яно застыгне, нарэзаць яго як агурок.

Прыгатаваць свойскі маянэз. Змяшаць жаўткі з цукрам, соллю і гарчыцай. Працягваючы змешваць, акуратна патроху ўліваць алей. У канцы змешвання дадаць воцат, змяшаць.

Нарэзаць дробным кубікам бульбу, моркву і яйка. Дадаць зялёны гарошак і заправіць свойскім маянэзам. Аздобіць салату жэле з агурка. Падаваць з пёркамі зялёнага лука і барадзінскім хлебам.

Аліўе «Люсьен»


склад:

Перапёлка - 200 г

Ракавыя шыйкі - 240 г

Бульба - 120 г

Морква - 60 г

Гарошак - 100 г

Салёны агурок - 100 г

Каперсы (пасекчы дробна) - 40 г

Свойскі маянэз - 140 г

Яйка - 8 штук

Труфельны алей - 16 г

Соль - 20 г

СПОСАБ ПРЫГАТАВАННЯ:

Перапёлкі запекчы з соллю і перцам ў духоўцы да гатовасці. Асцюдзіць і разабраць на філе.

Усе нарэзаную гародніну змяшаць з мясам, ракавымі шыйкамі і заправіць свойскім маянэзам.

У глыбокую талерку выкласці гатовую салату. Упрыгожыць палоўкамі вараных яек перапёлкі і ракавымі шыйкамі. Злёгку капнуць на салату труфельным алеем.

Свойскі маянэз:

Алей - 800 г

Жаўток - 1 штука

Белы воцат - 7 г

Гарчыца дыжонская - 80 г

Соль - 8 г

Цукар - 40 г

СПОСАБ ПРЫГАТАВАННЯ:

Узбіць жаўток, дадаць гарчыцу, алей, воцат, соль і цукар. Усё як след перамяшаць.

Аліўе з тушанай сцерлядзю


склад:

Бульба - 200 г

Морква - 100 г

Свежыя агуркі - 100 г

Салёныя агуркі - 100 г

Цыбуля - 40 г

Яйкі - 4 штукі

свежазамарожанага зялёны гарошак - 150 г

Філе сцерлядзі - 300 г

Цытрына - 1 штука

Аліўкавы алей - 50 г

Свежы чабор - 5 г

Свежы кроп - 10 г

Маянэз - 150 г

Бакінскі памідор

Дыжонская гарчыца - 15 г

Марская соль (для запякання гародніны)

Соль і цукар паводле густа

СПОСАБ ПРЫГАТАВАННЯ:

Бульбу і моркву прамыць, абгарнуць у фальгу і запекчы адну гадзіну, дадаўшы марской солі, аліўкавага алею і некалькіх галінак свежага чабору пры тэмпературы 160 градусаў. Прыгатваную гародніну асцюдзіць, пачысціць і нарэзаць кубікамі. Агуркі і цыбулю таксама нарэзаць дробнымі кубікамі. Яйкі зварыць укрутую і пасекчы нажом. Гарошак заліць на хвіліну варам, дадаўшы па 50-60 грам солі і цукру ў разліку на адзін літр, пасля прамыць халоднай вадой.

Прыгатаваць марынад для сцерлядзі: змяшаць нарэзаны кавалачкамі лімон, кроп, аліўкавы алей і соль. Вытрымаць філе сцерлядзі ў марынадзе пры пакаёвай тэмпературы цягам паўгадзіны. Пасля гэтага рыбу перакласці ў сатэйнік, заліць халоднай вадой і тушыць на павольным агні 20 хвілін. Асцюдзіць і насекчы кубікамі.

Прыгатаваць соус: у маянэз дадаць вычышчаны ад лупіны і нарэзаны на кавалачкі тамат і дыжонскую гарчыцу, змяшаць у блендэры да аднастайнай кансістэнцыі. Гародніну змяшаць і заправіць соусам, зверху выкласці кубікі сцерлядзі.

Аліўе


склад:

Філе цацаркі - 50 г

Філе кураняці - 50 г

Бульба вараная - 60 г

Агурок пікулі - 30 г

Агурок свежы - 50 г

Каперсы - 10 г

Алівы - 20 г

Ракавыя шыйкі марынаваныя - 30 г

Соус «Кабуль» - 40 г

Соус «правансаль» - 50 г

Салата айсберг - 30 г

Яйкі курынае - 2 штукі

Соль і перац паводле густа

СПОСАБ ПРЫГАТАВАННЯ:

Адварное філе цацаркі і смажанае філе кураняці наразаем кубікам. Бульбу наразаем лустачкамі. пікулі і агурок свежы наразаем кубікам. Адварное яйка наразаем лустачкамі. Аліўкі і каперсы наразаем лустачкамі. Змешваем філе кураняці і цацаркі з гуркамі, каперсамі і алівамі. Запраўляем соусам «правансаль». Выкладваем салата на страву, упрыгожваем салатай айсберг, дзелькамі яйка, ракавымі шыйкамі. Падаем з соусам «Кабуль».

ФАТАГРАФІІ: вокладка, 3 – Carne Vino, 1 –Food Embassy, 2 – «На Мосфильмовской», 4 – «Dr. Живаго», 5 – «Белуга», 6 – Gresei – adobe.stock.com