У гарачае надвор'е есці хочацца ўсё менш, а адной салатай не наясіся. Ідэальны варыянт — халодны суп: ён спатоліць смагу, уратуе ад спёкі, і дасць адчуванне насычэння прынамсі на некалькі гадзін. The Village папрасіў кухараў падзяліцца рэцэптамі.

Халодны бураковы крэм-суп


склад:

буракі, запечаная абабраная — 450 г

алей — 30 г

вада — 420 мл

соль — 6 г

перац чорны свежазмолаты — 1 г

пер’е цыбулі — 80 г

імберац — 5 г

перац чылі свежы — 2 г

какосавыя вяршкі — 450 мл

фрэш лайма — 8 мл

цэдра лайма — 4 г

складнікі для запраўкі:

авакада — адна штука

васабі — паўтары чайнай лыжкі

алей з вінаградных костак — 60 мл

рысавы воцат — 3 сталовыя лыжкі

вада — 3 сталовыя лыжкі

марская соль – на смак

СПОСАБ ПРЫГАТАВАННЯ:

Буракі буйна нарэзаць і абсмажваць у сатэйніку на палове алею, 2-3 хвіліны. Наліць у сатэйнік ваду: згатаваць, пасаліць, паперчыць.

Нацерці на дробнай тарцы корань імберца і цэдру лайма, дадаць да іх перац чылі, нарэзаны колцамі. Змяшаць. Пер’е цыбулі нарэзаць паўколцамі і абсмажыць у іншым сатэйніку на алеі да мяккага стану. Засыпаць імбірную сумесь. Працягваючы абсмажваць, уліць лаймавы фрэш і какосавыя вяршкі.

Дадаць змесціва першага сатэйніка, давесці да кіпення. Раструшчыць суп у блендэры да аднастайнай мязгі і яшчэ раз давесці да кіпення.

Прыгатаваць запраўку. Мякаць авакада нарэзаць невялікімі кавалачкамі і злучыць з рысавым воцатам, вадой і васабі. Растаптаць блендэрам, пасаліць. Дадаць алей і як след змяшаць.

Крэм-суп з буракоў наліць у талерку, выкласці запраўку з гуакамоле з васабі, паліць алеем, паліць аліўным алеем, аздобіць лісткамі рукалы.

Халодны суп “ад бабулі Надэ”


Складнікі для адной порцыі:

мацоні — 100 мл

вада халодная гатаваная — 100 мл

соль каменная — 1 г

радыска — 30 г

гурок — 30 г

кроп (лісце) —2 г

пятрушка (лісце) — 2 г

пер’е цыбулі — 5 г

яйка варанае — 1 штука

СПОСАБ ПРЫГАТАВАННЯ:

У місе змяшаць ваду і мацоні. Пасаліць, як след перамяшаць. Радыска і гурок нарэзаць саломкай, пер’е цыбулі, пятрушку і кроп — пасекчы.

Да мацоні дадаць гародніну і дробна пасечаную зеляніну, змяшаць.

Пераліць суп у талерку, выкласці палоўкі варанага яйка жаўтком дагары.

Падаваць астуджаным.

Гаспача


складнікі для 4 порцыяў:

памідоры пілаці ў сваім соку — 250 г

вінны воцат — 15 г

сцябло салеры — 100 г

базілік зялёны — 6 г

таматавы сок — 425 мл

табаска — 1 г

соль — 4 г

цукар — 17 г

НАЧЫННЕ:

свежыя агуркі — 80 г

салата айсберг — 80 г

маянэз — 40 г

СПОСАБ ПРЫГАТАВАННЯ:

Памідоры, воцат, салеру, базілік, табаска, таматавы сок, соль і цукар змяшаць у блендэры і раструшчыць да аднастайнай мязгі. Прыбраць у лядоўню на 20 хвілін.

Айсберг і агуркі дробна нарэзаць, дадаць маянэз, змяшаць і выкласці на талерку. Заліць «булёнам», апырскаць аліўным алеем і ўпрыгожыць базілікам.

ФАТАГРАФІІ: вокладка, 2 — «Джонджоли», 1 — Meatless, 3 — Brisket BBQ