Лета заканчваецца, але ячшэ хочацца свежых прадуктаў і лёгкіх перакусаў. Дзелімся з вамі рэцэптамі простых і карысных фотагенічных сняданкаў.
Каша Berry Quinoa
сладнікі на адну порцыю:
кіноа — 80 г
какосавае малако — 40 г
ягадны соус — 40 г
вінаградны сіроп або любы іншы падсалоднік па смаку
арэхі і ягады па жаданні
складнікі для ягадных соусаў:
вішні — 50 г
клубніцы — 150 г
вінаградны сіроп — 20 г
СПОСАБ ПРЫГАТАВАННЯ:
Гатуем ягадны соус: злучаем усе складнікі ў сатэйніку, даводзім да кіпення. Здымаем з агню і асцюджаем. Пасля ягады неабходна змяшаць у блендэры да аднастайнай кансістэнцыі. Прыступаемся да кашы. Прамываем крупы, заліваем вадой у прапорцыях адна частка кіноа да дзвюх частак вады. Варым да гатовасці. Дадаем какосавае малако і вінаградны сіроп. Даводзім да кіпення. Упрыгожваем ягадным соусам, свежымі ягадамі, мігдаловым арэхам і какосавымі чыпсамі.
Чыя-пудынг
сладнікі на адну порцыю:
какосавае малако — 75 г
вада — 70 г
чыя — 35 г
вінаградны сіроп паводле смаку
ягадны соус
СПОСАБ ПРЫГАТАВАННЯ:
Какосавае малако наліваем у мерную шклянку, змешваем з вадой, дадаем вінаградны сіроп, змешваем. Пасля дадаем насенне чыя і як след узбіваем вянцом. На працягу 20 хвілін перыядычна змешваем. Разліваем гатовы пудынг па шклянках. Упрыгожваем ягадным соусам і цэлымі ягадамі. Ягадны соус рыхтуем паводле схемы з першага рэцэпту.
Смузі-боўл Pink Panther
Складнікі на адну порцыю:
свежазамарожаныя бананы — 80 г
какосавае малако — 40 г
вада — 50 г
свежамарожаныя чарніцы — 20 г
свежамарожаныя клубніцы — 40 г
свежазамарожаныя вішні —30 г
фінікі — 1-2 шт.
СПОСАБ ПРЫГАТАВАННЯ:
Загружаем у блендэр бананы, клубніцы, вішні, чарніцы. Дадаем ваду і какосавае малако. У апошнюю чаргу дадаем фінікі. Узбіваем. Гатовую масу пераліваем у талерку і аздабляем ягадамі, гранолай і любым іншым топінг па жаданні.
ФАТАГРАФІІ: вокладка — Monika Grabkowska, 1 — noirchocolate — stock.adobe.com, 2 —anammarques — stock.adobe.com, 3 — Anne DEL SOCORRO — stock.adobe.com