Нашы калегі з рэдакцыі расійскага The Village пратэставала пяць аўтаматычных кавамашын прэміум-класа. Расказваем, чым яны адрозніваюцца адна ад адной і якая машына гатуе самую смачную каву.

Siemens EQ.9

Галоўная фішка самавітага сталёвага агрэгата Siemens — рэжым «Барыста», дзе кававыя гурманы могуць мяняць глыбінныя налады на свой густ. Ад выбару тэмпературы вады з крокам у два градусы (88-96 градусаў) і некалькіх варыяцыяў моцнасці напою (ад вельмі слабога да звышмоцнага) да рэжыму падачы вады (хутчэйшага ці павальнейшага) праз кававую таблетку — дакладныя налады дапамогуць прыгатаваць бездакорны кубак кавы. Асобна варта адзначыць механізм запарвальнага блока: у яго аснове — вінтавы стрыжань, па якім перамяшчаецца кошык са змолатай кавай. Такі прынцып фармавання дазваляе атрымаць шчыльнейшую кававую таблетку.

У меню можна наладзіць да дзесяці профіляў карыстальніка: у кожны дадаюцца толькі тыя напоі, якія абярэ ўладальнік профілю. Акрамя кавы і кавава-малочных напояў, машына ўмее гатаваць каву для вялікай кавяркі (на два-шэсць кубкаў, паводле густу — нешта сярэдняе паміж кропельнай кававаркай і туркай) і гатаваць ваду да пэўнай тэмпературы (ад 70 да 97 градусаў) для розных гатункаў гарбаты. Важная заўвага: вытворцы навучылі гэтую мадэль гатаваць капучына як мае быць, наліваючы спачатку эспрэса, а потым дадаючы малочную пенку — для гэтага трэба выбраць адпаведныя налады ў меню.

Пры ўключэнні машына прамывае ўсе сістэмы параю — гэта важна не толькі для прагрэву, але і для дэзінфекцыі ўнутраных частак і механізмаў: якасць кавы наўпрост залежыць ад таго, наколькі апарат чысты. Час выхаду першага кубка – хвіліны паўтары. Машына працуе даволі ціха дзякуючы керамічным жорнам і добрай ізаляцыі ад шума. У прыладзе ёсць дзве ёмістасці для зерня розных гатункаў: у наладах можна прывязаць той ці іншы кантэйнер да канкрэтных гатункаў напояў. Ступень памолу, якая залежыць ад зерня і абсмажвання, усталёўваецца для кожнай ёмістасці асобна. Адсек для молатай кавы таксама ёсць — ён схаваны ў правым рэзервуары.

У абслугоўванні машына элементарная: па меры неабходнасці яна сама запытвае працэдуру Calc & Clean (ачыстка ад накіпу і кававых масел). Малочная сістэма прамываецца раз на дзень парай — працэс займае менш за дзве хвіліны.

МЕРКАВАННЕ РЭДАКЦЫІ: Рэжым «Барыста» — гэта нешта: цікава было пакаштаваць, як у залежнасці ад тэмпературы вады смак кавы і пенка неверагодна мяняюцца: ад кіславатага пры нізкай тэмпературы (88 градусаў) да ідэальна збалансаванага прыкладна на 92 градусах — пры іншых роўных параметрах. Плюсам сталі два кантэйнеры для розных гатункаў кавы (напрыклад, для звычайных і без кафеіну) і ёмістасць для малака, якую можна хутка і проста прыбраць пры неабходнасці ў лядоўню. З мінусаў — трэба пакідаць пустое месца злева і справа ад машыны: без гэтага не атрымаецца яе нармальна абслугоўваць.

Jura J90 Brilliantsilver

Швейцарскі брэнд з сусветным імем вырабляе гарантавана якасныя кавамашыны. У мадэлі J90 дададзена меню кіравання Rotary Switch — дзякуючы гэтай прагортцы ў працэсе гатавання можна рэгуляваць моц кавы і аб'ём напою. З завода ў меню ідзе каля 20 стандартных напояў: эспрэса, чорная кава, латэ, латэ макіята, капучына, флэт-уайт і гэтак далей. Кожны напой можна наладзіць пад сябе: задаць у меню пэўную моцнасць і канкрэтны памер любімага хатняга кубка. Таксама для розных відаў напояў наладжваюцца прапорцыі малака і кавы, выбіраецца тэмпература малака, вады і ступень памолу зерня.

У гэтай машыне, як і ва ўсіх іншых, латэ, капучына ды іншыя напоі можна гатаваць адным дотыкам. Варыўны блок разлічаны на аб'ём ад 5 да 16 грамаў кавы, што дазваляе зрабіць як звышслабы дзіцячы напой, так і па-сапраўднаму моцны. У машыне выкарыстоўваецца сістэма Aroma J+ са сталёвымі жорнамі: яна працуе цішэй і адмервае молатую каву з дакладнасцю да грама. Адсек для молатай кавы таксама ёсць: кавамашына сама вызначае, якая кава выкарыстоўваецца (зернавая або молатая), і можа запытаць дадатковую порцыю, калі яе недастаткова для фармавання кававай таблеткі.

Аўтаматычны капучынатар прадугледжвае тры ўзроўні шчыльнасці пены (без пены, мала, шмат) — гэты параметр можна мяняць падчас гатавання. Ёмістасці для малака ў камплекце няма (прадаецца асобна), а сама сістэма падачы малака даволі складаная ў даглядзе: каб малочны тлушч не асядаў на ўнутраных частках сістэмы, яе неабходна прамываць парай пасля гатавання напою (опцыя наладжваецца ў меню) і раз у дзень чысціць спецыяльным экасродкам — без гэтага вытворца не можа гарантаваць нармальную працу капучынатара і якасці пенкі. У стартавым наборы гэта сродак ёсць, але пры штодзённым гатаванні малочных напояў яго хопіць ненадоўга.

Акрамя кавы, кавава-малочных напояў, гарачага шакаладу (какава або шакалад запарваецца нагрэтым малаком) і розных відаў гарбаты, у меню ёсць укладка «Адметная кава» — кавава-малочныя напоі, якія можна праграмаваць: задаваць прапорцыі малака і кавы і чарговасць іх падачу, змяняючы густ напою ад больш даўкага да сметанковага, напрыклад.

Усе падказкі па сэрвісным абслугоўванні выводзяцца на каляровы экран (ён не сэнсарны): машына паведаміць, калі трэба прамыць капучынатар, ачысціць блок ад кававых масел, замяніць фільтр і гэтак далей. У камплекце з машынай ідзе сродак для ачысткі капучынатара, фільтр для вады і дзве таблеткі для ачысткі машыны ад кававых масел. Вадзяны фільтр трэба мяняць прыкладна раз на два месяцы, тады ж давядзецца чысціць машыну ад масел. Ачыстка ад накіпу робіцца раз на паўгода.

МЕРКАВАННЕ РЭДАКЦЫІ: Сістэма прагорткі зручная ў выкарыстанні, але неабходнасць пастаянна памятаць аб ачыстцы капучынатара паўплывала на ход тэставання: калегі аддавалі перавагу канкурэнтам. У хатнім выкарыстанні пастаяннае папаўненне запасаў сродкі для ачысткі — гэта дадатковы артыкул выдаткаў. Магчымы мінус — нельга адмяніць працэс падрыхтоўкі, калі запусціў яго выпадкова, атрымаецца толькі скруціць аб'ём напою: кававая таблетка ў выпадку адмены адпраўляецца ў жмых. Адсутнасць ёмістасці для малака — гэта і добра, і дрэнна: з аднаго боку, малочную трубачку можна апусціць прама ў пакет на час падрыхтоўкі, з іншага — малочным кантэйнерам зручней карыстацца.

Krups Barista EA 9010

Лідэр рынку аўтаматычных кавамашын у Германіі Польшчы — нямецкі брэнд Krups. У флагмана маркі, мадэлі Barista EA 9010, якая ўручную збіраецца на французскай фабрыцы, касмічны дызайн, вялікі ВК-дысплей, каб сачыць за працэсам падрыхтоўкі, 17 напояў у меню, пяць з якіх можна вынесці на галоўны экран і рыхтаваць у адзін дотык, і унікальная сістэма ачысткі капучынатара: пасля кожнага малочнага напою машына аўтаматычна прамывае носік ў адмысловым адсеку. Дарэчы, малако наліваецца проста ў кубак — ніякіх малочных кантэйнераў або пакетаў з рулямі.

Адметныя рысы «Барысты» — франтальны доступ да адсекаў з вадой і жмыхам і ўштукаваны варыўны блок, які не трэба разбіраць і мыць: дастаткова запусціць праграму ачысткі са спецыяльнай таблеткай два ці тры разы на год. З спрэчнага: аўтаматычная падладка ступені памолу кавы ў залежнасці ад напою. Зразумела, што памол павінны ў першую чаргу падбіраецца пад гатунак і ступень абсмажвання зерня, а немагчымасць ўмяшацца ў гэты важны параметр не ідзе на карысць смаку.

У меню — восем профіляў карыстальніка, у кожны з якіх можна дадаваць напоі з асабістымі наладамі: тэмпературай, моцнасцю, аб'ёмам малака і кава. Акрамя кавава-малочных напояў, тут можна прыгатаваць гарачы шакалад і наліць гарачую ваду.

МЕРКАВАННЕ РЭДАКЦЫІ: Інавацыі — гэта не заўжды добра, а галоўнае – не заўжды бюджэтна. Так, аўтаматычны памол — гэта хутчэй загана, у дадатак істотная: па факце кава, прыгатаваны з аднаго і таго ж зерня, часцяком прайграе па паўнаце смаку канкурэнтам. Капучынатар, які самаачышчаецца ў офісе або ў вялікай сям'і — гэта істотныя паўзы паміж малочнымі напоямі (носік не прамывается імгненна) — адзін, дадатковыя фінансавыя ўкладанні — два: як і ў выпадку з мадэллю Jura, у сістэму неабходна заліваць адмысловы сродак для ачысткі ад малочных тлушчаў.

De’Longhi PrimaDonna Elite Experience

Калі кавамашыны параўноўваць са смартфонамі, то італьянцы De'Longhi — гэта адназначна айфоны на рынку аўтаматычных кавамашын. Пад металічным корпусам з уштукаваным падагрэвам кубкаў размясціліся кавамолка са сталёвымі жорнамі і 13 ступенямі памолу, кампактны здымны запарвальны блок, які дастаецца літаральна двума пальцамі, лёгка мыецца і вяртаецца назад, помпа на 15 бар і сістэма ўспеньвання LatteCrema.

У меню шэсць профіляў карыстальнікаў з магчымасцю налады 14 асноўных напояў і ўнясеннем яшчэ шасці унікальных рэцэптаў і адзін гасцявы — з нязменлівымі завадскімі параметрамі. Гэта другая машына ў нашым аглядзе, якая ўмее гатваць правільны капучына: спачатку эспрэса, потым — малочная пена, а не наадварот. Акрамя таго, «Прымадонна» ўмее рабіць сапраўдны гарачы шакалад (у камплекце ёсць адмысловая лапатачка для перамешвання) і халодныя малочныя і кававыя напоі: у гэтым выпадку пар толькі круціць калатоўку, а не награе малако. Бонусам ідзе форма для лёду ў выглядзе кававых зярнятак.

Кантэйнер для малака, які падключаецца да машыны, — з падвойнымі сценкамі: малако даўжэй не кісне. Дарэчы, вытворцы рэкамендуюць выкарыстаць пры гатаванні малако нізкай тлустасці або абястлушчанае (наогул лепш 1,8%): у кантэйнеры калаціць бялкі, а не тлушчы — можна выкарыстоўваць нятлустае малако, але з высокім утрыманнем бялку (тры грамы на 100 мілілітраў). У гэтай сістэме можна выкарыстоўваць соевае або міндальнае малако, што стане плюсам для людзей, якія сочаць за фігурай або не могуць піць каровіна малако праз алергію.

Што цікава, машынай можна кіраваць са смартфона або планшэта з дапамогай дадатку De'Longhi Coffee Link, які практычна дублюе меню сэнсарнага экрана: у дадатку можна задаць параметры напою або ўнесці новы рэцэпт, запусціць працэс гатавання, праглядзець статыстыку працы і гэтак далей. Адзіны мінус — ставіць кубак і ісці па гатовы напой усё ж давядзецца.

Дагляд за машынай стандартны: перад тым як прыняць малочны кантэйнер у лядоўню, трэба перавесці селектар у становішча clean, каб прачысціць сістэму капучына. Раз у тры дні — разабраць і памыць малочны кантэйнер; раз у месяц — выключыць машыну, дастаць запарвальны блок, прамыць яго і паставіць на месца. Раз у тры месяцы машына запытвае дэкальцынацыю: цыкл са спецыяльнай таблеткай доўжыцца хвілін дзесяць, а ўсе неабходныя дзеянні прапісваюцца на дысплеі.

МЕРКАВАННЕ РЭДАКЦЫІ: Смачная кава, гарачы шакалад, процьма ручак для гатавання халодных напояў (уключаючы форму для лёду), вялікая прыгожая кніга з рэцэптамі і мабільнае прыкладанне — італьянцы зрабілі ўсё, каб іх машына не пакінула нікога абыякавым.

Philips Saeco Xelsis SM7685

З плюсаў канструкцыі новай мадэлі Philips Saeco адзначым сталёвы корпус з вынесеным наперад вялікім экранам і сэнсарнымі клавішамі і зручны франтальны доступ да ёмістасці для вады і кантэйнеру для жмыху — машыну можна размясціць у вузкай нішы. Зверху вялікі адсек для зерняў з шчыльным прагумаваным вечкам (каб лепш захоўваўся водар зерняў) і ёмістасць для молатай кавы; ўнутры — стандартнае напаўненне: керамічная кавамолка з 12 ступенямі памолу, здымны запарвальны блок аб'ёмам да 11 грамаў, помпа на класічныя 15 бар.

У меню — 15 напояў, дакладна паўтараюць спісы канкурэнтаў з агляду: ад эспрэса і лунга да цёплага малака і гарачай вады. Кожны з напояў можна наладзіць ўручную ў сваім профілі (усяго іх восем), змяняючы не толькі моцнасць, тэмпературу і прапорцыі кавы і малака, але і паслядоўнасць дадавання складнікаў (спачатку каву, потым малако — ці наадварот), вышыню малочнай пены і падчас папярэдняга змочвання кававай таблеткі.

З неадназначных рашэнняў: аўтаматычны капучынатар далучаецца да дыспенсера гнуткай руляй. Так, гэта дазволіла вызваліць месца спераду для другога кубка, і зараз можна рыхтаваць два малочных напою адначасова. Але пастаянна праціраць доўгую металічную рулю, якая ўстаўляецца ў капучынатар (ўставілі ў ёмістасць, дасталі, сцёрты, каб ўставіць назад), — гэта не зусім той парадак дзеянняў, якіх чакаеш ад аўтаматычнай кавамашыны. Сам дыспенсер з трубкай чысціцца парай — для гэтага злева на корпусе ёсць адмысловы выступ для мацавання трубкі. У рэжыме HygieSteam ў сістэму падаецца гарачая вада з парай, якая змывае рэшткі малака. Праўда, гэты рэжым можна запусціць толькі ўручную, праз кнопку праграм чысткі.

МЕРКАВАННЕ РЭДАКЦЫІ: Машыны гэтага брэнда надзейныя і простыя ва ўжытку, але стымулам да пакупкі хутчэй стануць не ручныя налады напояў (асабліва адзначым вышыню пены) і класічны смак кавы, а гарантаванае якасць зборкі і хуткае сэрвіснае абслугоўванне.

ФАТАГРАФІЯ: вокладка — Pereginskaya — stock.adobe.com, 1 — siemens-home.bsh-group, 2 — jura, 3 — shop.krups, 4 — De’Longhi, 5 — shop.philips