Няхай стандарты прыгажосці мяняюцца ледзь не кожнае дзесяцігоддзе, грудзі застаюцца ў пашане заўжды. Дзеля павелічэння памеру жанчыны часта ідуць на ахвяры і подзвігі: пластычныя аперацыі, гімнастыка, крэмы, а таксама розныя чароўныя эмульсіі. Пры гэтым усе памятаюць галоўную бабульчыну параду: еш капусту — і грудкі вырастуць. The Village вырашыў даведацца ў адмыслоўца, ці ўплывае ўжыванне капусты на памер грудзей і ці можна яго змяніць натуральным шляхам.

Ірына Пятрова

Лекарка-мамолаг

Памер грудзей натуральным шляхам жанчына змяніць не можа, бо ён закладзены генетычна. Трушчаннем капусты, вядома, гены не зменіш. Лічыць, што ад ядзення капусты гадуюцца грудзі, — усё роўна што верыць, што ад бульбы расце нос.

Аднак гэта павер'е не пазбаўленае сэнсу: капусту ўсё роўна варта есці ўсім жанчынам. Справа ў тым, што капуста, як і ўсе крыжакветныя, змяшчае процьму карысных рэчываў, якія прадухіляюць мастапатыю і абараняюць ад рака грудзей. Таму важна есці і звычайную капусту, і капусту-цвятуху, і брокалі. Адкуль узяўся міф пра павелічэнне грудзей, незразумела, але ў любым разе ў гэтым няма нічога дрэннага, бо капуста ўсё ж карысны прадукт.

Тэкст: Алiса По