The Village задаў надзённыя пытанні Антаніне Старадубавай, доктару медыцынскіх навук і спецыялісту-дыетолагу: як тусіць і добра сябе адчуваць апасля?

Як ашукаць мозг і пазбегнуць пераядання

Ёсць некалькі прынцыпаў, якія дапамогуць не пераядаць

Калі вас чакае, напрыклад, дзень народзінаў ці вяселле ня парушайце звыклы распарадак дня і не абмяжоўвайце сябе ў ежы, каб «пакінуць больш месца» для святочнага стала. Такія абмежаванні ўводзяць арганізм у стрэс, і ён наладжваецца на максімальнае назапашванне.

Не сядайце за стол галодным, у такім стане нашмат складаней кантраляваць, што і колькі вы ясце.

Ешце больш павольна. Калі вы галодныя, то ядзіце значна хутчэй. Нашаму арганізму патрэбен час, каб усвядоміць ступень насычэння — часта страўнік ўжо поўны, а адчуванне голаду ўсё яшчэ прысутнічае.

Больш рухайцеся, танчыце і весяліцеся, а не нудзіцеся за сталом.

Адразу пакладзіце ў сваю талерку тое, што хочаце пакаштаваць і з'есці, — тады вы адразу ўбачыце ўвесь аб'ём ежы. Калі накладваць ежу ў талерку пакрысе, вам будзе здавацца, што вы зусім нічога не з'елі.

Калі скласці далоні лодачкай, дык вы ўбачыце той аб'ём ежы, які менавіта ваш арганізм здольны пераварыць за адзін прыём. Паспрабуйце не выходзіць за гэтыя межы.

Колькі ікры можна з'есці за адзін раз

За раз не варта з'ядаць больш за сталовую лыжку ікры — гэта два-тры бутэрброды. Сама па сабе ікра карысная: траціна складу незалежна ад выгляду — гэта збалансаваны і добра засваяльны бялок. Акрамя таго, у ёй змяшчаецца ёд, фосфар, жалеза, калій, вітаміны B9, A, D, E, поліненасычаныя тлустыя кіслоты, лецыцін. Карысць прадукту зніжае толькі соль, якую дадаюць у ікру. Таму порцыя можа вагацца індывідуальна ў залежнасці ад стану здароўя пэўнага чалавека.

Што рабіць, калі вы ўжо пераелі

Калі вы ўсё ж такі пераелі, дык насамперш перастаньце сябе вінаваціць і папікаць — лягчэй вам ад гэтага не стане.

Нават пасля з'яўлення пачуцця перапаўнення шмат хто ўсё роўна не ў стане спыніцца і працягвае есці. Таму калі вы ўжо пераелі, трэба пастарацца спыніцца. Выразна пазначце для сябе, што больш сёння вы есці не будзеце.

Прыбярыце прадукты ў лядоўню і пачысціце зубы. Займіце сябе размовай, танцамі, шпацырам.

Як змагацца з пахмеллем

Лепшы сродак ад пахмелля — шклянка вады, а не алкаголю. Вось яшчэ некалькі рэчаў, якія дапамогуць справіцца з ранішнім хваробай:

Піце шмат чыстай вады. Неабходна аднавіць баланс вадкасці ў арганізме, бо алкаголь сушыць цела.

Калі баліць галава і ломіць косткі, варта выпіць абязбольвальнае, але піць іх для прафілактыкі не варта: супрацьзапаленчыя прэпараты не змагаюцца з прычынамі пахмелля. Будзьце асцярожныя: аспірын, парацэтамол і іншыя лекі даюць дадатковую нагрузку на пячонку.

Не варта налягаць на ежу. Лёгкі суп папоўніць недахоп вадкасці і супакоіць страўнік. Падсушаны хлеб і крупы прымусяць кішачнік працаваць і дадуць вам энергію, бульба і бананы папоўняць нястачу калію.

Адпачывайце. Чым вы больш актыўны наступныя 72 гадзіны пасля ўжывання алкаголю, тым больш негатыўнымі будуць наступствы для вашага арганізма.

Падыхайце свежым паветрам. Праветрыце памяшканне або выйдзіце на шпацыр і пасядзіце на лаўцы прынамсі хвілін дваццаць.

Ня лячыце пахмелле алкаголем. Урэшце вам будзе толькі горш.

Фатаздымкі: – anjelagr – adobe.stock.com, 1 – BRAD – adobe.stock.com, 2 – Barbara Pheby – adobe.stock.com