Ёсць пытаннеЧаму амерыкана даражэйшае за эспрэса?

Эспрэса — візітоўка любы спешалці-кавярні і ключавы складнік большасці напояў, якія ў ёй гатуюць. Якасць ужытага зерня, узровень барыста, яго прафесійныя ўмельствы — усё гэта адчуваецца дасведчаным аматарам кавы з першага глытка. Але калі я як прафесіянал бачу, што ў меню кавярні амерыкана каштуе даражэй за эспрэса, дык я адразу думаю: «А ці варта наогул піць тут каву?»

Амерыкана па сутнасці ўяўляе сабой разведзены вадой эспрэса. Госці, дрэнна знаюцца на рэцэптуры, атрымліваючы вялікую порцыю, гатовыя плаціць за яе больш. Попыт фармуе прапанову, а фактычныя выдаткі кавярні на той ці іншы напой наўпрост на кошты не ўплываюць. У той жа час госць заўсёды можа замовіць эспрэса і шклянку гарачай вады асобна, каб самастойна разбавіць паводле кансістэнцыі.

На мой погляд, чорная кава можа каштаваць даражэй, толькі калі мы гаворым пра ручныя фільтраваныя спосабы запаркі, калі на прыгатаванне напою выдаткоўваецца значна больш часу і высілкаў. Напрыклад, метад харыё невыпадкова называюць кававай цырымоніяй: мы кладзем у варонку фільтр, насыпаем кавы і тонкім струменьчыкам гарачай вады пачынаем вельмі павольна ліць гэтую каву. У выніку атрымліваецца лёгкі, духмяны, празрысты напой. 

Безумоўна, сабекошт амерыкана ад эспрэса асабліва не адрозніваецца, бо склад амерыкана — гэта эспрэса і вада. На адну порцыю эспрэса (35-40 мілілітраў напою) у нашай кавярні ідзе 18-19 грамаў кавы. Нават калі дапусціць, што вада ў кавярні па нейкай прычыне дарагая (напрыклад, для гатавання выкарыстоўваецца спецыяльная бутэляваная), розніца ў сабекошту усё роўна будзе складаць капейкі. Часам амерыкана даражэйшае за эспрэса праз аб'ём кубка. Напрыклад, на амерыкана 340 мілілітраў і больш, таму патрэбна ўжо падвойная порцыя эспрэса. Аднак часцей за ўсё розніца ў кошце абумоўлена ўсё-ткі жаданнем больш зарабіць. Амерыкана — больш хадавы напой, чым эспрэса, а часцяком у меню кавярняў гэта адзіны варыянт для прыхільнікаў чорнай кавы. Так што ўладальнікі кавярняў кіруюцца прынцыпам «усё роўна купяць» і ставяць цану на амерыкана з максімальнай нацэнкай.

Пакуль развіццю кававай культуры гэта на руку. Рынак пакрысе разгортваецца ў бок якаснай чорнай кавы, альтэрнатывы. Амерыкана пачынае знікаць з меню кавярняў, на змену яму прыходзіць фільтр-кава, ці батч-бру. Аднак для гатаванне фільтр-кавы трэба асобнае абсталяванне — варонкі, чайнікі, фільтравае кававарка, рэзервуар для захоўвання кавы (напрыклад, батч-бру гатуецца ў вялікім аб'ёме і разліваецца на працягу гадзіны), тады як амерыкана гатуецца на класічнай эспрэса-машыне.