Грузінская кухня — адна з самых улюбёных у беларусаў, а хінкалі, мабыць, самая папулярная страва разам з хачапуры. Тым не менш, шмат хто абураецца, пабачыўшы ў меню салодкія хінкалі, іншыя ядуць гэтую страву прыборамі, а трэція з'ядаюць хвосцікі. Мы папрасілі Георгія Марціашвілі, саўладальніка маскоўскай рэстараннай групы Guliani Group, расказаць нам, якімі павінны быць хінкалі, як іх есці і ці патрэбны да іх соус.

Георгій Марціашвілі

сеткавы кіраўнік і саўладальнік Guliani Group


Ці могуць хінкалі быць з рыбай, сырам або іншымі начынкамі?

Першапачаткова хінкалі гатавалі з мукі, бараніны, часнаку і луку. Да таго ж мяса секлі двума нажамі: «хінкалі дакіпелі» — такія мы рабілі ў нашым грузінскім вінным бары Megobari. Цяпер фарш прапускаюць праз мясарубку, а яшчэ ў яго дадаюць іншыя спецыі, перац, кінзу.

Паколькі страва распаўсюдзілася ў рэгіёны, дзе была іншая хатняя жывёла, начынне таксама пачалі мяняць. І цяпер вы можаце замовіць іх з ялавічынай і свінінай, на беразе Чорнага мора можна сустрэць хінкалі з рыбай,
дзесьці робяць з сырам, грыбамі і бульбай — цяпер гэта ўжо лічыцца цалкам нармальным.

З чым есці хінкалі?

Некаторыя наведвальнікі замаўляюць да іх соус, смятану, сацыбелі. Гэта не трагічна, але лепш усё ж есці іх без падліўкі: ўсё патрэбнае ўжо ў самой страве. Трэба толькі пасыпаць молатым чорным перцам, можна дадаць трохі воцату. Калі хінкалі з сырам сулугуні, можна пакласці зверху кавалачак сметанковага масла.

Як правільна есці?

Хінкалі ядуць толькі рукамі, хоць цяпер многія прытрымліваюць відэльцам альбо чапляюць за хвост. Галоўнае — не праколваць відэльцам, інакш ўвесь булён сцячэ. Таму спачатку надкусвайце хінкалі, асцярожна піце булён, а потым асцярожна даядайце. Калі хінкалі астылі, то іх не трэба падаграваць — лепш пасмажыць у алеі.

Ці можна есці хвосцікі?

Хвосцікі есці не трэба. Гэта даволі цвёрды пласт цеста, які не праварваецца, таму ўнутры хвосцікі застаюцца практычна сырымі. Гэта не вельмі добра для страўніка, таму лепш пакідаць іх на талерцы.

Чым запіваць?

Хінкалі можна запіваць півам і чачай. Як ні дзіўна, віно не асабліва спалучаецца з гэтай стравай.


Тэкст: Лена Канчалоўская

Вокладка:


Абмяркуйце гэты тэкст на Facebook