Мода на чырвоныя макасіны стала часткай гарадскога фальклору. Пра іх ствараюць дэматыватары, жанчыны на форумах цікавяцца, як характарызуе мужчыну такі абутак. Часцей за ўсё чырвоныя макасіны носяць хлопцы з паўднёвых рэспублік, мода на гэты абутак больш распаўсюджаная ў Маскве, Мiнску, менш — у Піцеры ці Кіеве, і амаль не сустракаецца ў самым Грозным і Махачкале. Адкуль гэтая мода пайшла і чаму яна абмяжоўваецца пэўнай этнічнай групай, адказвае фэшн-эксперт, аглядальніца Vogue Вольга Міхайлоўская.

Адкуль узялася мода на чырвоныя макасіны?

ВОЛЬГА МІХАЙЛОЎСКАЯ

фэшн-эксперт, аглядальніца Vogue

Мода на чырвоныя макасіны — гэта відавочнае жаданне прыпадабніцца да італьянскіх мужчын. Мала таго, я нават думаю, што большасць тых, хто купляе і носіць, шчыра перакананыя ў сваім з італьянцамі падабенстве. Зыркі колер у мужчынскай вопратцы — уласцівая для італьянцаў рыса. І нічога дрэннага ў гэтым няма, ён шмат каму з іх і сапраўды пасуе.

Італьянцы не мажныя, каб не сказаць, дробныя, а яшчэ — смуглявыя, выразныя, так што выглядаюць у зыркіх колерах цалкам арганічна. Ну а італьянскія густы наогул заўсёды былі запатрабаваныя на нашай тэрыторыі, асабліва ў 90-я і на пачатку нулявых. Асабліва іх сіцылійскі складнік. І як раз сярод жыхароў паўднёвых раёнаў Расіі.

Тое, што яны хочуць быць падобнымі да італьянцаў, свядома ці падсвядома, на мой погляд, відавочна. Іншае пытанне, што з гэтага атрымліваецца... Чаму менавіта чырвоныя? Думаю, як ні дзіўна, таму што гэты колер ідэальна пасуе да чорнага, які таксама вельмі любяць ураджэнцы Поўдня. І да белага, таксама імі ўпадабанага. Атрымліваецца, як казалі нашы бабулі, «адпад башкі», а каўказскія мужчыны любяць эфекты.

У любым выпадку, чырвоныя макасіны — гэта крок наперад ад пякельных вастраносых чаравікаў, мэтавая аўдыторыя якіх была прыблізна той самай.

Здымак: nn.urpur.ru

Ілюстрацыі: Саша Пахвалін