КасметыкаЯк і што купляць з калекцыі касметыкі Рыяны
Усё, што трэба ведаць аб Fenty Beauty
Касметычная лінейка Fenty Beauty зрабілася адным з самых доўгачаканых рэлізаў гэтага года: у верасні яе продаж нарэшце стартаваў у 17 краінах свету. Нягледзячы на тое, што касметыка ў продажы ўсяго нічога, яна ўжо заваявала армію прыхільнікаў — пра гэта сведчаць задаволеныя аўтары шматлікіх водгукаў. Мы выбралі некалькі ўніверсальных сродкаў маркі, на якія дакладна варта звярнуць увагу.
Што трэба ведаць
Чуткі аб з'яўленні касметыкі ад Рыяны пачалі хадзіць яшчэ два гады таму: менавіта ў гэты час спявачка пачала перыядычна ўжываць уласныя сродкі для макіяжу, а бляск для вуснаў з калекцыі выкарыстоўваўся для макіяжу мадэляў на паказе Fenty x Puma by Rihanna вясна-лета 2016. Партнёрам Рыяны стала падраздзяленне канцэрна LVMH, якое адказвае за выпуск прадукцыі Marc Jacobs Beauty і Kat Von D.
У лінейку ўвайшлі 40 адценняў толькі танальнага сродку. Стваральніца падкрэсліла, што яна хацела зрабіць касметыку, якую маглі б палюбіць дзяўчаты з любым адценнем скуры, і, мяркуючы па захопленых водгуках сваіх цемнаскурых прыхільніц, яе напаткаў поспех. Памад выбуховых адценняў, як і кідкіх запаковак, у марцы не знайсці — іх замяняюць яскравыя шматфункцыянальныя хайлайтэр і стрыманыя флаконы пудравага колеру. Акрамя таго, усе сродкі ў калекцыі прадаюцца з паметкай Cruelty Free — то бок, прадукты ды іх складнікі не тэстуюцца на жывёлах.
Касметыку Fenty Beauty можна замовіць з афіцыйнага сайта. Заказы даражэйшыя за 150 долараў дастаўляюцца бясплатна.
Што купляць
Праймер Pro Filt'r
КОШТ: 32 долара
Гэтая аснова для макіяжу — сапраўдны фаташоп ў флаконе, калі верыць абяцанням: яна павінна згладжваць поры, увільгатняць, надаваць ззянне і падаўжаць жыццё макіяжу. Сярод прыхільніц гэтага сродку — сама Рыянна, а гэта лішняя нагода даверыцца напісанаму на запакоўцы.
Танальная аснова Pro Filt'r
КОШТ: 34 долара
Танальны крэм, які ўсхваляе прыгажосць скуры любога адцення, стаў суперзоркай і без таго зорнай лінейкі: ён пакідае матавы фініш, мае сярэдняе пакрыццё і ўжо дакладна будзе трымацца на працягу ўсяго дня. Сярод гэтых вартасцяў хочацца яшчэ раз падкрэсліць шырокую палітру сродку — асабліва да ўвагі ўладальніцам бляклай скуры.
Хайлайтар Killawatt
у адценні Trophy Wife
КОШТ: 34 долара
Рыяна, бясспрэчна, знаецца ў ззянні. Зацямніў ўсе іншыя драматычны хайлайтэр у адценні Trophy Wife (яшчэ адзін улюбёнец стваральніцы) — на рэдкасць пігментаваны, ён валодае залатым бляскам. Бездакорны варыянт для тых, каму да душы шматфункцыянальныя сродкі і ўласціва жаданне адчуць сябе зліткам золата. Хайлайтар можна наносіць і на скулы, і на вочы, і на цела.
Хайлайтар Killawatt
КОШТ: 34 долара
Можна доўга спрачацца, наколькі ўсім надакучылі чырвона-бронзавыя тоны ў макіяжы вачэй, але хайлайтар у двух шляхетных адценнях Ginger Binge і Moscow Mule — адзін з нашых фаварытаў. Ён як нельга лепш пасуе для восеньскіх смокі, і для дзёрзкіх акцэнтаў на шчаках.
Набор Match Stix Trio
КОШТ: 54 долара
Стыкамі для макіяжу, здаецца, ужо нікога не здзівіць — але гэтая тройца, складзеная з кансілера, контуру і хайлайтара абяцае стаць ідэальным камплектам. У якасці бонуса — адмысловая цана калі набываць тры прадукты разам і футаралы, якія пасуюць адзін да аднаго.
Бляск для вуснаў Gloss Bomb
КОШТ: 18 долара
Адзіны прадукт для вуснаў у лінейцы. Рыяна прызналася, што ствараючы гэты ўніверсальны бляск у бежава-ружовым адценні яна кіравалася жаданнем тых, хто ім скарыстаецца, каб іх часцей цалавалі. Ён выдатна падыдзе пад любое адценне скуры — хоць і будзе выглядаць крыху па-рознаму ў залежнасці ад колератыпу.
Пэндзаль Portable Highlighter Brush
КОШТ: 24 долара
У лініі не абышлося і без удалых прыладаў для макіяжу. У ліку выдатных аксесуараў — кампактны пэндзлік для хайлайтара, які можна і трэба браць з сабой. Цяпер дадаць бляску або паправіць акцэнты на твары можна будзе нават на бягу і ў дарозе.
ТЭКСТ: Ірына Еўдакімава