Інтэр'ер — неад'емная частка архітэктуры. Архітэктурны стыль будынка задае тон унутранаму афармленню: балдахін і крэслы ў духу ракако ў хрушчоўцы глядзяцца недарэчна і жалю годна. The Village распавядае, як слушна выбраць інтэр'ернае рашэнне і разлічыць на яго неабходны бюджэт.

Руслан Кірнічанскі

архітэктар

Праверыць адпаведнасць інтэр'ера архітэктурнаму абліччу будынка можна паводле простай формулы: палічыце кошт аздаблення кватэры і параўнаць з рынкавай коштам аб'екта. Ідэальнае прапорцыі выглядаюць так: 100% — кошт кватэры, 35% — кошт рамонту і мэблі. Дапускаюцца перагіны, але калі бюджэт рамонту перавысіў палову кошту кватэры, дык варта задумацца.

Каб ваш інтэр'ер не кантраставаў з архітэктурай будынка, прапаную прайсціся па асноўных тыпах жылых дамоў і разабрацца, які стыль будзе дарэчны ў тым ці іншым будынку.

Тыпавыя дома: хрушчоўкі, брэжнеўкі

Усе тыпавыя серыі жылых дамоў лучыць функцыяналізм і мінімальны дэкор: задача серыйных будынкаў — забяспечыць грамадзян асобным жытлом. Пры афармленні інтэр'еру кватэры ў тыпавым доме памятайце: галоўнае тут — функцыянальнасць прасторы і адсутнасць збыткоўнага дэкору.

Ідэальны стыль для тыпавых дамоў — мінімалізм. Так званы скандынаўскі стыль — выдатнае рашэнне: нейтральны інтэр'ер дазваляе візуальна пашырыць прастору маленькай кватэры. З калюмнамі і атлантамі ў хрушчоўцы ўсё ясна: з імі проста зробіцца цесна, але чаму варта адмовіцца ад ар-дэко? Гэты стыль патрабуе вялікай плошчы з высокімі столямі і сур'ёзных фінансавых укладанняў: у аздабленні выкарыстоўваюцца рэдкія і дарагія матэрыялы. Укладваць вялікія грошы у рамонт тыпавой кватэры са столямі два з паловай метры — сумнеўная канцэсія. Рацыянальней на гэтыя грошы набыць суседнюю кватэру і пашырыць плошчу.

Катэгарычна тут не пасуе: ампір, ар-дэко, барока, ракако і хай-тэк.

Старыя, даваенныя дамы і помнікі архітэктуры

Гэта адмысловая катэгорыя нерухомасці, якая карыстаецца падвышаным попытам. Такія кватэры, як правіла, зручна размешчаныя ў цэнтры горада і маюць якасныя характарыстыкі: высокія столі, прасторныя парадныя пакоі, багаты вонкавы дэкор і аўтэнтычную ляпніну.

Пасля перабудовы такое жыллё нярэдка прадавалі за бясцэнак, лічачы яго непатрэбнай старызной. Тыя, хто своечасова зразумеў і не прадаў або, наадварот, купіў такі быццам бы неліквід, цяпер у прыбытку — дзеля прэстыжнага раёна і дыхтоўнага дома з гісторыяй пакупнікі выкладваюць вялікія сумы.

Стыль, які пасуе такім кватэрам: ампір, ар-дэко, мадэрн, мінімалізм. У падобных дамах добра глядзяцца класічныя інтэр'еры (барока, ракако), але можна і эксперыментаваць: дапусцім, да прыкладу, мінімалізм у спалучэнні з элементамі класічнага стылю.

Катэгарычнае “не”: хай-тэку, кантынентальным экзатычным стылям (Афрыка, Паўднёвая Амерыка, Паўднёва-Усходняя Азія), матывам старажытных цывілізацыяў.

Якасныя новабудоўлі

Гэта аб'екты новай нерухомасці камфорт- і бізнэс-класа. Адметнасць кватэр у гэтых дамах — свабодныя планіроўкі, прасторныя агульныя зоны, закрытая тэрыторыя і паркінг. У архітэктуры саміх будынкаў праглядваецца візуальная стрыманасць: дэкору тут трохі больш, чым у пяціпавярховіках, але ён зроблены дзеля функцыянальнасці і павышэння якасці жыцця — гэта вентыляваныя фасады і кашы для знешніх блокаў кандыцыянераў.

Пасоўныя стылі: мінімалізм, хай-тэк, індустрыяльны стыль (лофт).

Быць асцярожнымі з: мадэрнам, ар-дэко.

Катэгарычна “не”: класічным стылям. Такія камяніцы пабудаваныя згодна з сучаснымі патрабаваннямі, таму элементы барока або готыкі ў інтэр'еры новабудоўлі будуць іншародныя. Уявіце, калі б Саладуха выступаў у клубе «Молодость».

Новабудоўлі высокага сегмента

У такіх клубных дамах для абраных прадугледжаныя пральня, служба кансьержа, крамы, уласная тэрыторыя і падземныя гаражы.

Але калі ў сталінскіх высотак перавага — годная архітэктура, дык сучасныя дэвелаперы робяць большы націск на тэхнічных навінках: напрыклад, усталёўваюць адзіную якасную сістэму кандыцыянавання і прапануюць сучасныя сістэмы бяспекі і камфорту.

Пры выбары стылю інтэр'еру ў такіх комплексах з адпраўны пункт трэба браць аблічча канкрэтнага будынка. Напрыклад, у адніх будынках інтэр'ер можа быць у абсалютна любым стылі, уключаючы ракако і этніку: сапсаваць сумнеўнае архітэктурнае рашэнне гэтых комплексаў не атрымаецца. А вось у апартаментах іншых дамоў будуць дарэчныя мінімалізм і ар-дэко.

ФОТАЗДЫМКІ: вокладка — Яся Фогельгардт, 1 — Каця Заклівенец, 2, 3 — Дзіма Цыреншчыкаў, 4 — Рэната Гарыпава