Тэндэнцыі ў дызайне інтэр'ераў заўжды адлюстроўваюць настроі ў грамадстве, і гэта заўважна змене вядучых колераў года або прадукцыі ў інтэр'ерных крамах. Калі раней IKEA або H&M Home прасоўвалі светлыя і мінімалістычны прадметы мэблі і аксэсуараў, а Pantone ў якасці колеру года анансаваў Rose Quartz і Serenity, то цяпер канапы становяцца даражэйшыя і раскошнейшыя, а колеры — глыбейшыя і насычанейшыя.

Дызайнеры звязваюць гэтыя трэнды з памкненнем людзей схавацца ад вонкавых узрушэнняў і зладзіць свой зацішны прытулак, як найбольш закрыты і ўтульны. The Village распавядае, як перарабіць нейтральны скандынаўскі інтэр'ер з дапамогай фарбы для сценак, тэкстылю і парачкі аксесуараў.

Што прыходзіць на змену дакучлівай Скандынавіі?

Марына Новікава

дызайнер

Сучасны інтэр'ер — гэта заўсёды эклектыка, якая смела спалучае традыцыі, законы архітэктуры, новыя тэхналогіі і матэрыялы. Стылістыка інтэр'еру пры гэтым часцяком выбіраюць зыходзячы з магчымасцяў прасторы і упадабанняў заказчыка. На першы план выходзіць унікальнасць, інтэр'еры робяцца візуальна даражэйшыя як за кошт фактур, так і за кошт адценняў. У аздабленні менш шэрага, больш глыбокіх тонаў: цёмна-сіняга і зялёнага, гарчычнага. Мяркуючы па трэндах, каштоўнасці сучаснага чалавека — гэта камфорт і падарожжа, а галоўная ідэя інтэр'еру — быць надзейнай і ўтульнай крэпасцю.

 Inherited elegance

Інтэр'еры ў 2018 годзе робяцца ўсё складанейшыя, візуальна багацейшыя і індывідуальнейшыя і нагадваюць нумар буцік-гатэля: глыбокія колеры і адценні, дрэва, скура, аксаміт, велюр і медныя аксэсуары. У аснове inherited elegance (у перакладзе — «спадчына элегантнасці») — усё той жа mid-century modern, а новае прачытанне з'яўляецца хутчэй карэкціроўкай і дадаткам да ўжо існых эстэтыкі прыгажосці ды шыку. Індывідуальнасць — гэта тое, што адрознівае інтэр'ер у стылі inherited elegance: дызайнеры прапануюць надаваць увагу дэталям і прадметам, што нагадваюць пра важныя моманты. Яшчэ адно ўмельства, неабходнае для стварэння элегантнай прасторы, — здольнасць суладна спалучаць старое з новым: фатэль і новы столік, якія дасталіся ў спадчыну, эфектны камод, старыя фотарамкі і гэтак далей. Гэтаму трэнду ёсць цалкам зразумелае тлумачэнне: абкружаючы сябе глыбокімі колерамі і багатымі фактурамі, людзі імкнуцца стварыць камфортную, утульную прастору, якое мусіць ахоўваць іх ад трапляння ў нерат складанага навакольнага свету.

 Нармкор і japanordic

На задні план пакрысе адышлі шэрыя і цалкам белыя інтэр'еры. Але гэта не азначае, што эпоха скандынаўскага стылю і мінімалізму скончылася, проста напрамак атрымаў новы віток, які носіць назву нармкор (ад слоў «normal» і «core»). Лёгкасць і лаканічнасць зрабіліся класікай, якую ніхто не адмяняў. Нармкор — эстэтычнае з'ява, якое выяўляецца не толькі ў інтэр'еры, але і ў гардэробе сучаснага чалавека. У цэлым гэта вытрыманы, спакойны стыль, дастатковы менавіта ў сваёй нармальнасці.

Па сутнасці, зараз дызайн інтэр'еру развіваецца ў двух глабальных кірунках — інтэр'ер-келля і інтэр'ер-вітрына. Тэндэнцыю афармляць прасторы ў спакойным, разняволеным, экалагічным ключы можна акрэсліць як japanordic — мяшанка скандынаўскай і японскай філасофіі. Праўда, услед за мадэрнізмам сярэдзіны стагоддзя ў інтэр'еры прыйшла мода на 70-я: аксаміт, махры, насычаныя адценні. Сваю ролю адыграла тое, што скандынавы першымі стаміліся ад перавагі манахрома і размалявалі стэнды на міжнародных выставах у насычаныя сінія, смарагдавыя і ласосевыя адценні.

 Вялікая керамічная плітка

Практычна ўсе вядучыя вытворцы зрабілі сёлета акцэнт на вялікую плітку. Найбольш актуальная фактура — па-ранейшаму светлы мармур. Пры гэтым невялікая шасціграневая плітка ўсё яшчэ ў трэндзе, аднак ужо як дадатак да вялікай: шматграннікамі можна выкласці акцэнтную частку — напрыклад, экран у ванне ці падлогу.

 Сценкавыя панэлі і высокія дзверы

Яшчэ адзін трэнд — сценкавыя панэлі і ляпніна на сценках: дрэва і дэкаратыўныя молдынгі ствараюць утульнасць і робяць прастору больш камернай. У цэлым гэта яшчэ адна прылада, які адводзіць ад скандынаўскага стылю ў бок дарослага, самавітага інтэр'ера. Кампазіцыю ў новым, больш смелым і дарагім інтэр'еры з аксамітнымі канапамі і меднымі свяцільнямі дапамагаюць датрымліваць дзверы без ліштвы, якія ідуць да самай столі. Яны візуальна выцягваюць прастору, падкрэсліваюць у інтэр'еры дух сучаснасці.

 Бавоўна і лён

На кантрасце з аксамітнай і велюравай абабіўкай канапаў і фатэляў асноўнымі дэкаратыўнымі тканінамі зрабіліся бавоўна і лён: у трэндзе сталовы тэкстыль, пасцельная бялізна, падушкі і шторы — лёгкія, цёплых прыродных адценняў. Аб'ёмныя пледы буйной ношкі, падобна, пакрысе адыходзяцца на другі план, саступаючы месца больш тонкім варыянтам з кутасікамі і без.

 Махры, буйныя кветкі, эфектныя прынты

Калі казаць пра дэталі, то акцэнты робяцца на золаце і медзі, каляровым шкле, махрах, эфектных раслінных прынтах і буйных экзатычных кветках. У моду ўвайшоў прыгожая пыльна-ружовая кветка пратея з Паўднёвай Афрыкі. У спалучэнні з пальмавымі лістамі яна выдатна глядзіцца ў вазе на каміне, абедзеным стале або паблізу ложка —асабліва калі інтэр'ер вытрыманы ў кашмірова-ружовым, персікавым або іншых пяшчотных танах. Што да золата і медзі, дык гэтыя металы можна відаць у аксэсуарах: ад шкатулкі або шклянкі для свечкі да корка на бутэльцы ў выглядзе меднай галавы леапарда.

 Знакавыя прадметы

Сярод дызайнераў літаральна адкрыты паляўнічы сезон на пэўныя мадэлі свяцільняў. Гэта, напрыклад, серыя Flos дызайнера Майкла Анастасіядыса, Branching Bubble Ліндсі Адэльман, Bistro маркі One King Lane, Favreby у Stilnovo, а таксама Modo, распрацаваны сучасным амерыканскім дызайнерам Джэйсанам Мілерам — усе яны найлепшым чынам адлюстроўваюць дух стылю mid-century modern. Таксама ў сучасным інтэр'еры не абысціся без фатэляў Minotti або Ottiu ў аксамітнай аздобе.

Як шведы мяняюць інтэр'ер?

Кацярына Алейнікава

дызайнер

Штогадовая інтэр'ерная выстава Stockholm Furniture Fair сёлета здзівіла насычанасцю і нязвыклым вобразам скандынаўскага дызайну. Адкрываў выставу зусім далёкі, здавалася б, ад скандынаўскай мінімалістычнай эстэтыкі павільён Паолы Навонэ — італьянскага дызайнеркі і трэндсетэркі. Вось некалькі ідэй, якія падаліся мне цікавымі.

Злучэнне індустрыяльнага і ручнога

Прага злучыць у адным інтэр'еры прадметы індустрыяльнай і ручной працы было добра відаць на стэндзе Паолы. Напрыклад, свяцільні над абедзеннай групай складаліся не толькі з пластыкавых дэталяў, але таксама з драўляных галінак, а для дэкору выкарыстоўваліся незвычайныя афрыканскія маскі.

Здольнасць рэчаў і матэрыялаў прыгожа старэць

У асноўным гэта тычылася матэрыялаў, якія могуць змяняць свой знешні выгляд, напрыклад металічных фасадаў мэблі або прадметаў дэкору. На адным з стэндаў я знайшла калекцыю ваз, якія складаюцца з розных элементаў, адным з якіх ёсць метал, што акісляецца і з цягам часу змяняе знешні выгляд.

Складаныя колеры ды іх спалучэння

Калі пару гадоў таму на ўсіх выставах можна было сустрэць разнастайнасць пастэльных і пудровых адценняў, гэтак уласцівых скандынаўскаму дызайну, дык цяпер агульнасусветныя трэнды, наадварот, запаўняюць скандынаўскі дызайн колерам. Адценні гарчычнага, ружовага, бардовага, зялёнага злучаюцца ў інтэр'еры щ розных камбінацыях, а разнастайнасць фактур і паверхняў тканін стварае гульню паўтонаў нават сярод прадметаў аднаго колеру.

Фларыстычнае афармленне інтэр'еру

Калі раней у трэндзе былі трапічныя расліны і сукуленты, дык цяпер у дэкоры больш ўжываюць кветкавыя кампазіцыі ў розных варыяцыях. Сустракаюцца і аб'ёмныя кветкавыя кампазіцыі разам з мінімалістычнымі галінкамі дрэва. На вазе ў гэтым выпадку не робяць амаль што ніякага акцэнту: яны, хутчэй за ўсё, будуць зробленыя з празрыстага шкла і мець лаканічную форму.

Тэкст: Ніна Воінава

Фатаграфіі: вокладка — Breather, 2 — demphoto — stock.adobe.com, 1 — Ганна Міхеева, 3 — Паліна Рукавічкіна