Умелы дызайнер эканоміць заказчыку шмат грошай, выкарыстоўваючы фарбы замест дарагога дэкору. А няўмелы здольны любы бюджэт звесці да какафоніі. Разбіраемся якія памылкі можна не дапускаць і што лічыцца памылкай.

 Вар’яцець ад белых прастораў

Белыя сцены — трэнд, які прыйшоў разам з модай на мінімалізм і скандынаўскі стыль. Белы — універсальны колер, ён пашырае любую пакой, дадаючы ёй святла і паветра. Захапіўшыся гэтым колерам, можна лёгка апынуцца ў інтэр'еры-“нежыці”, які ў дадатак патрабуе безупыннага прыбірання. Не варта злоўжываць: альбо белы фон, альбо белыя акцэнты. Каляровыя дэталі, мэбля, аксэсуары, прыродныя фактуры разбавіць пустэчу і напоўняць яе жыццём.

 Лічыць, што бэжавы фон — добры

Няўпэўненыя ў сабе людзі падсвядома імкнуцца да кампрамісу пры выбары колеру. Адсюль папулярнасць «бежавенькага»: светлы (але не белы), цёплы і някідкі. Колер, ўяўна ўніверсальны, робіць інтэр'ер панурым, пазбаўленым характару, што патыхае офісам ці гасцініцам. Аформіць стыльны інтэр'ер у бэжавай гаме складана, спатрэбіцца выбіраць зыркія - чырвоныя, жоўтыя, сінія — акцэнты пад канкрэтнае адценне і глыбіню бэжавага. Парада: чым палітра больш сціплая, тым насычаней і разнастайней павінны быць фактуры.

 Блытаць «белы» з белым

Беласнежныя інтэр'еры выглядаюць холадна нават разам з зыркімі дэталямі. А калі нестае сонца, то яшчэ і шэра — зусім не так, як на малюнку ў часопісе. У дызайне інтэр'ераў пад «белым» маецца на ўвазе дзясятак адценняў: «вяршкі», «таплёнае малако», «слановая костка», «арктычны снег» ды іншыя. Яны адрозніваюцца прымешкамі іншых фарбаў. Напрыклад, у традыцыйным скандынаўскім інтэр'еры сцены фарбуюць не ў беласнежны, а ў «стакгольмскі белы» (Stockholmsvit), дзе падмешана трохі шэрага і жоўтага пігмента. У выніку атрымліваецца цяплейшае адценне.

 Лічыць, што столь і белы — сінонімы

Калі вымаляваць столь у адзін колер са сценкамі, можна візуальна пашырыць памяшканне, паколькі межы прасторы раствараюцца. У выпадку з цёмнымі тонамі гэты хітрык створыць адчуванне ўтульнай скрыначкі. Абачлівасці гэты прыём патрабуе толькі з зыркімі колерамі: замкнёная прастора моцна ўпывае на псіхіку. Можна нават пафарбаваць столь у кантрастны або зыркі колер пры нейтральных сценках, асабліва калі вам дасталося памяшканне з непрапарцыйна высокімі столямі.

 Ствараць інтэр'ер у розных адценнях аднаго колеру

Робячы стаўку на манахром, вы пазбаўляеце прастору аб'ёму, глыбіні і прыемнай складанасці. Выключэнне — чароўны шэры колер, але нават ён на аматара. Паспрабуйце захаваць разнастайнасць. Расстаўце кантрасныя акцэнты. Пагуляйце на паўтонах улюбёнага колеру: спалучыце моцна разбеленае пастэльнае адценне з насычаным цёмным або выразным зыркім.

 Дзейнічаць паводле прынцыпа «ўсяго пароўну»

Супрацьлеглая памылка — выбраць добрыя спалучэння колераў і насыціць імі прастору ў роўнай меры. У выніку — стракатасць замест суладдзя. Трымайцеся працэнтных суадносінаў 60/30/10 для галоўнага колеру, дадатковага ды іншых.

 Выкарыстоўваць адну кантрасную рэч

Калі да далікатна-блакітных сценак вы набылі выдатную зырка-рудую канапу, дадайце яшчэ некалькі невялікіх аранжавых аксесуараў ў астатнія часткі пакою, інакш канапа “вываліцца” з кантэксту, будзе выглядаць чужасна і недарэчна. Гэта называецца “падтрымаць колер". Сама колеравую пляму лепш разбіць невялікімі дэталямі іншых колераў, асноўнага або дадатковага: так яно лепш дастасуецца да атачэння.

 Выкарыстоўваць чыстыя колеру ў кантрастах

Выкарыстанне кантрасных спалучэнняў — бяспройгрышны варыянт. Чырвоны заўжды будзе выразна глядзецца з зялёным, жоўты — з фіялетавым, а сіні — з аранжавым. Але сам па сабе кантраст — настолькі выразны прыём, што лёгка можа надакучыць. Няхай адзін з колераў будзе насычанейшы за другі, разбелены або цёмны. Гэта змякчыць эфект і не будзе дакучаць.

 Грэбаваць колерам падлогі

Прадумваючы колеравую палітру інтэр'еру, шмат хто забываецца на падлогу. І дарэмна: на яе прыпадае прыкладна чацвёртая частка бачнай прасторы. Асабліва гэта актуальна для вялікіх памяшканняў.

 Ігнараваць асвятленне

Адной і той жа кватэры ў Валенсіі і Мурманску патрэбныя будуць зусім розныя каляровыя рашэнні. Больш за ўсё ад гэтай несправядлівасці церпяць паўночныя аматары Праванса. Мяккія пастэльныя тоны, такія далікатныя і асвяжальныя пры зыркім сонечным святле, без яго робяцца бляклымі, халоднымі і сумнымі. Правіла тут адно: чым пахмурнейшы рэгіён, тым цяплейшыя і насычанейшыя колеры ў інтэр'еры.

 Лічыць чырвоны цёплым, а сіні — халодным

Пашыраныя памылкі, звязаныя з неахайнай ацэнкай цеплыні колеру. Чырвоны, жоўты і аранжавы адценні безумоўна належаць да цёплай частцы спектру, а сіні, фіялетавы і зялёны лічацца халоднымі. Насамрэч усё больш складана. У кожнага колеру ёсць цёплыя і халодныя версіі. Чырвоны з прымешкай фіялетавага — ажынавы, ягадны, маджэнта — больш халодны, а набліжаны да аранжавых тонаў — пунсовы, цынобра — значна цяплейшы. Тое ж і з традыцыйна халодным сінім: бірузовы і колер марской хвалі цяплейшы за нябесныя і сталёвыя адценні. Зялёны — гэта наагул шматаблічны колер, які лёгка пераходзіць як у цёплыя, так і ў халодныя адценні.

 Змешваць цёплыя і халодныя адценні аднаго колеру

Дакладней, рабіць гэта можна, але складана: трэба ўлічваць прапорцыі, спалучэнні кожнага адцення з іншымі колерамі. У большасці выпадкаў атрымліваецца бязладдзе. Калі ёсць сумневы, што рэч трапляе ў патрэбную колеравую тэмпературу, лепш не рызыкаваць і выбраць кантрасны або нейтральны колер. Гэта рашэнне будзе дакладна лепшае, чым, напрыклад, травяніста-зялёны на тле халодных мятных адценняў.

 Злоўжываць чыстымі колерамі

Чым чысцейшы колер, тым больш дакучае. Звонкія зыркія тоны пасуюць дзіцячаму пакою, на кухні і ў ванным пакоі — але ж у памяркоўнай прапорцыі. У астатніх выпадках лепш аддаць перавагу складанаму змешанаму колеру з дадаткам чорнага або шэрага (прыцемненаму, прыпыленаму) і беламу (разбеленаму, пастэльнаму). Такі інтэр'ер выглядае шляхетнейшым і самавіцейшым. Чысты зыркі колер, зазвычай, патрабуе нейтральнага фону і строгай мінімалістычны абстаноўкі.

 Рабіць зыркімі вялікія ўчасткі

Тут лёгка перабраць мяжу і скаціцца ў карнавал: зыркія колеру хутка пачнуць стамляць і моцна вас абавяжуць у далейшым. Слушней выбіраць для буйных прадметаў і цэлых сценак больш мяккія прыглушаныя адценні, а насычаныя дадаць за кошт аксесуараў, якія пры жаданні можна лёгка замяніць. У нежылых зонах (санвузле, калідоры, вітальні) можна ўжываць тэрапію колерам без боязі. У гэтых памяшканнях вы доўга не бавіцеся.

 Баяцца цёмных колераў

Гэта змрочна, ня для маленькіх памяшканняў, звужае прастору — вось асноўныя памылкі, звязаныя з цёмнымі колерамі. Так, яны здаюцца бліжэйшымі, чым светлыя. Але цёмныя адценні таксама ахінаюць, дораць глыбіню, шляхетнасць і ўтульнасць. Маленькі пакой не будзе выглядаць цесным, калі ўнікаць кантрасных рашэнняў і не загрувашчваць інтэр'ер дэталямі. Цеснай прастору робіць колеравы гармідар і захапленне дэкорам.

ФАТАГРАФІІ: вокладка – Konstantin Yuganov - stock.adobe.com, 1 – Photographee.eu - stock.adobe.com, 2 – worldwide_stock - stock.adobe.com, 3 – virtua73 - stock.adobe.com