Не важна, дзе вы працуеце — дома або ў офісе, важна, як упарадкаванае месца, за якім вы бавіце большую частку свайго жыцця. Таму ўладкаваць яго трэба як след і прыгожа, каб і настрой, і прадукцыйнасць былі на вышыні.

Тэмпература ў памяшканні

Павесце побач са сваім працоўным месцам тэрмометр, а лепш знайдзіце настольны гадзіннік з тэрмометрам. Такія ёсць у IKEA. Гэта дапаможа сачыць за тым, каб тэмпература ў пакоі трымалася на ўзроўні 22 градусаў паводле Цэльсія. Гэта найбольш камфортны рэжым для плённай працы. Будзе халадней — можна застудзіцца, гарачэй — замарудзіцца тэмп працы.

Ізаляцыя ад шума

Існуе некалькі простых спосабаў абараніцца ад вонкавых шумоў. Можна прыдбаць адмысловую архітэктурную плёнку для шыбаў і ахайна наляпіць яе на акно. Яна да таго ж падвышае механічную трываласць шкла, беражэ цяпло і таніруе, абараняючы ад наўпроставых сонечных прамянёў. Можна падабраць гардзіны, пашытыя са шчыльных матэрыялаў. Тыя гардзіны не толькі прыглушваўся гукі, але і ствараюць ўтульнасць. Калі змяніць прастору вы не можаце, трымайце на працоўным месцы шумаізаляцыйны навушнікі.

колер

Што да сценак, лепш прытрымлівацца ўніверсальных светлых адценняў. Белы, бэжавы, колер яечнай шкарлупіны візуальна павялічваюць прастору і адлюстроўваюць натуральнае святло з вокнаў. Зыркія адценні лепш выкарыстоўваць у дробязях (настольныя лямпы, мышка, скрынка для папер). Пры выбары кветак кіруйцеся сваімі мэтамі. Трэба зняць стрэс? Блакітны дапаможа супакоіцца. Калі не стае моцы, выбірайце чырвоны. Ружовы дазволіць даць рады раздражненню, агрэсіі, самоце i засмучэнню. Жоўты асвяжае галаву, а аранжавы падвысіць самаацэнку ды імпэт.

крэсла

Галоўнае правіла — ніякіх мулкіх паверхняў. Калі няма магчымасці прыдбаць мяккае офіснае крэсла, пакладзеце на крэсла падушку. Пажаданая наяўнасць падлакотнікаў: яны даюць адпачынак рукам, а знакам тым разнявольваюць спіну. Падлакотнікі павінны размяшчацца так, каб вы маглі згінаць локці пад вуглом 90 градусаў. Вышыню крэсла неабходна рэгуляваць самім (сцёгны паралельныя падлозе, ступакі на падлозе, рукі — на вышыні стала), роўна як і вышыню спінкі і вугал яе нахілу — усё дзеля вашай паставы. Праблем з паясніцай можна пазбегнуць, калі набыць паяснічную падушку або падтрымку, якая мацуецца на крэсла.

стол

Выбар стала залежыць ад тыпу вашай работы. Калі вы ўвесь час бавіцеся за кампутарам, стол можа быць невялікага памеру. Калі сумяшчаеце працу з паперамі і на кампутары, зручней будзе за сталом у форме літары Г або U. У любым разе не выбірайце занадта вялікі стол, каб не было спакусы загрувашчваць прастору. Вышыня стала залежыць ад вашага росту. Важна, каб у сядзячым становішчы адлегласць паміж каленямі і стальніцай стала была сантыметраў дваццаць. Што да матэрыялаў, стол можа быць зроблены з ламінату (пры выбары глядзіце за якасцю), металу (самы трывалы) і дрэва (самы стыльны і даступны).

святло

Важна камбінаваць натуральнае, стольнае (або насценнае) і настольнае асвятленне. Добра, калі настольная лямпа рэгулюецца паводле ступені магутнасці святла і вышыні. Выбірайце святлодыёдныя лямпачкі: гэта самы ашчадны і экалагічны варыянт, які не перанапружвае вочы. Стаўце лямпу на стол у залежнасці ад таго, вы праўшун (лямпа — злева) або ляўшун (лямпа — справа). Стольнае святло павіннае размяшчацца прама над працоўным месцам. Яно грае дапаможную ролю, таму не мусіць быць надта зыркім.

дэкор

Наяўнасць вокнаў заўсёды добра адбіваецца на працаздольнасці. У астатніх выпадках мае сэнс стварыць атмасферу ўласнаруч. Павесце на сценцы па-над кампутарам персанальны мудборд. Для гэтага падыдуць традыцыйныя коркавыя або крэйдавыя дошкі. А можна павесіць гзымсы з кручкамі і вешаць на іх розныя матывіровачныя жарты, улюбёныя фатаграфіі або канцылярскія прылады. Пазбаўцеся ад маркотнага офіснага дэкору на карысць стэплера ў выглядзе труса, лямпаў з каванага жалеза, падушак для крэсла з аўчыны, эрганамічных арганайзераў для дратоў і тэкстыльных скрынак для дакументаў.

сістэма захоўвання

Замест аднатыпных шафаў з архівамі можна выкарыстоўваць драўляную драбіну з шырокімі прыступкамі. Калі прасторы малавата, задзейнічайце сценкі: павесьце вышэй за ўзровень вачэй мінімалісцкія паліцы і размяркуеце на іх патрэбныя вам дакументы ў прыгожых тэчках. Можна выкарыстоўваць гзымс над сталом (пра які мы ўжо казалі), ключніцу або любыя іншыя трымальнікі з кручкамі — вешайце на іх нажніцы, дзіркакол і ўсё астатняе. Выдатным месцам для захоўвання дробязяў тыпу сашчэпак, налепак і алоўкаў можа стаць драўляная шкатулка для упрыгожванняў.

расліны

Для пачатку вызначыцеся, колькі часу вы зможаце надаваць догляду за раслінамі. Найбольш непатрабавальныя кветкі — філадэндрон, спатыфілум, драцэна, кротан, пятуні. Затым вырашыце, колькі грошай вы зможаце выдаткаваць на сваю аранжарэю. Выдатны бюджэтны варыянт — пасадзіць невялікі кветнік з травой (мятай, лавандай, размарынам, чаборам). І не забывайце прасіць калегаў паліваць вашы расліны ў час адпачынку.

АЎТАРКА: Крысціна Падрэзава

ФАТАГРАФІІ: Woodeal.nl, Воля Эйхенбаум, Decoracion.facilisimo.com, Planete-deco.fr, Delikatissen.com