Зняць кватэру ў сталіцы, куды можна будзе заехаць са сваім пітбулем або каханым катом — займальны і амаль непраходны квэст. Тым цікавей гісторыя дзяўчыны, якая спецыяльна рыхтавала кватэру для здачы людзям з жывёламі. Аб'яву ў закрытай групе ў фэйсбуку доўга і бурна абмяркоўвалі, а ў кватэры, якая ў выніку атрымалася, цяпер жывуць другія арандатары.

The Village пагутарыў з гаспадыняй кватэры, як зрабіць антывандальныя інтэр'ер, які не сапсуеш за месяц, і што трэба ведаць уладальнікам жывёл, каб знайсці жыллё.

Марыя, гаспадыня кватэры:

— Галоўнае патрабаванне, якоя прад'яўляецца да матэрыялаў для аздаблення і мэблі ў такой прасторы, — падвышаная зносаўстойлівасць. З гэтага пункта выцякае яшчэ адзін: усё, што нельга памыць і працерці, павінна быць аднаразовым — звяры адчувальныя да пахаў адзін аднаго, і для кошкі, напрыклад, пах яе папярэдніка ў новым памяшканні стане дадатковым стрэсам пры пераездзе.

Аздабленне

Пасля доўгіх спрэчак і абмеркаванняў з уладальнікамі жывёл я вырашыла, што выкарыстоўваць шпалеры не буду — проста пафарбую сцены. Растлумачу, чаму: папяровыя шпалеры лёгка ірвуцца, а на вінілавых ў любым выпадку застаюцца сляды ад зубоў і кіпцюроў. Фарбу лепш браць белую — яна танней (што важна пры вялікім аб'ёме работ) і такія сцены потым прасцей перафарбоўваць. Як варыянт для пярэдняга пакоя — сценавыя панэлі, якія складана пашкодзіць.

Для падлогі лепш выкарыстоўваць керамаграніт або плітку — гэтыя матэрыялы таксама можна сумяшчаць з цеплай падлогай, а для жылых пакояў ёсць цікавыя калекцыі пліткі пад дрэва. Або, як варыянт, — трывалы лінолеум з узмоцненым вонкавым пластом або ПВХ-плітка.

Дзверы часцей за ўсё пакутуюць ад кіпцюроў і зубоў, таму лепш ўсталёўваць самыя простыя, якія можна будзе лёгка замяніць пры неабходнасці. Лепш, калі яны будуць ламінаванымі. Яшчэ адзін абавязковы элемент — сеткі на вокны, каб зберагчы жывёл ад падзення.

Мэбля і аксэсуары

Лепш выбіраць «нясмачную» мэблю — не з натуральных матэрыялаў. Да прыкладу, мэблю IKEA сабакі не асабліва любяць грызці.

Ніжнюю частку корпуснай мэблі абавязкова зачыняць дзверцамі з добрай фурнітурай, каб жывёлы не маглі іх лёгка адкрыць і зжэрці або пашкодзіць усё, што захоўваецца ўнутры: кабелі, дакументы, абутак, прадукты і гэтак далей.

Калі ёсць адкрытыя паліцы, то яны павінны быць добра зафіксаваныя. На кухні адкрытыя паліцы лепш не рабіць наогул: каты — на рэдкасць цікаўныя жывёлы, гатовыя даследаваць ўсе паверхні ў доме.

Па гэтай жа прычыне плоскі тэлевізар абавязкова трэба мацаваць да сцяны.

Крэслы лепш выбраць без абіўкі — антывандальны тэкстыль ці эка-скуру пакуль не прыдумалі.

Шторы — рулонныя, але на ўсялякі выпадак можна павесіць карніз: калі арандатары вырашаць, што ім тэрмінова патрэбныя фіранкі на вокнах. Зноў жа варта папярэдзіць іх, што шторы, якія ляжаць на падлозе, не пражывуць доўга — будуць з'едзены ці абарваны.

Канапы і ложкі арандатары з жывёламі звычайна купляюць самі (і забіраюць іх з сабой, калі з'язджаюць) — гэта шмат у чым звязана з тым, што тэкстыль добра ўбірае пахі.

Гэта ж правіла тычыцца іншых тэкстыльных аксэсуараў і дэкору, які звычайна прывозяць з сабой. Трэба паменшыць да мінімуму колькасць вазачак, статуэтак і іншых падобных штук — і звяры, і арандатары будуць рады.

Ёсць некалькі патрабаванняў, якія я прад'яўляю да патэнцыйных жыхароў, — думаю, уладальнікам сабак і катоў будзе карысна паклапаціцца аб некаторых рэчах наперад. Напрыклад, дэпазіт у падвойным памеры — гэта, на мой погляд, важны пункт дамовы аб арэндзе, які показвае, ці гатовы гаспадар браць на сябе адказнасць за свайго гадаванца. Другое правіла: жывёла павінна быць здаровай. Гэта значыць — мець абавязковую кастрацыю (або стэрылізацыю) і пашпарт з дзеючымі прышчэпкамі (асабліва для жывёл, якія бываюць на вуліцы або выязджаюць з уладальнікамі за горад). Таксама асабіста для мяне важна пазнаёміцца з жывёлай асабіста: па зверу і адносінах да яго гаспадара я у сілу дасведчанасці беспамылкова вызначаю адэкватнасць чалавека, якому здам кватэру.

На самай справе, не важна, заедуць у кватэру ўладальнікі велізарнага сэнбернара або сям'я з маленькімі дзецьмі — прадугледзець абсалютна ўсе магчымыя выпадкі ненаўмыснага вандалізму ў здымнай кватэры немагчыма. Але зрабіць інтэр'ер устойлівым да рознага роду пашкоджанняў і лёгкім ў аднаўленні (пры выездзе арандатараў, напрыклад) цалкам рэальна. Спадзяюся, кватэр, куды будуць пускаць з жывёламі, стане больш.

Тэкст: Маша Шаталіна

Вокладка: MaggieLovesOrbit On Insta

Абмяркуйце гэты тэкст на Facebook