Ганна і Міхаіл Кошалевы

Людзі жартуюць, што менавіта падчас рамонту распадаюцца шмат якія пары. Дызайнеры Ганна і Міхаіл Кошалевы, распавялі The Village, як уладкаваць жытло так, каб пазбегнуць вострых вуглоў ва ўсіх сэнсах.

 тэрыторыя

Занаванне кватэры — дальнабачнае рашэнне. Выпішыце ў два слупкі вашыя хобі і прыкіньце, ці можа кожны з вас займацца сваёй справай, не замінаючы партнёру. Як правіла, менавіта на гэтым этапе высвятляецца, што трехмясцовая канапа будзе прастойваць, а аднаго працоўнага стала не хапае.

Калі вы не збіраецеся будаваць сценкі, выкарыстоўвайце стэлажы. Можна купіць ужо гатовыя, але самы мужны ўчынак — зрабіць іх самому. Паверце, гэта нашмат прасцей, чым здаецца. З прыладаў спатрэбяцца шрубавёрт і кутнік, а дошкі можна нарэзаць проста ў будаўнічай краме. У вачах сваёй жанчыны вы станеце героем. Ўсякія фіранкі выкарыстаць не раім: выглядаць гэта будзе не вельмі што.

Калі пакой дазваляе, пастаўце канапу ў сярэдзіне — зоны з'явяцца самі сабой. Калі месцы мала — не бяды, дастаткова назапасіцца вялікімі навушнікамі і падзяліць асвятленне.

 святло

Ведаеце, чаму ў гасцінічных нумарах так утульна? У іх няма жырандоляў. Трэба пачытаць — запальваеце таршэр ля фатэлю; трэба папрацаваць — лямпу на стале. Арганізуйце некалькі крыніц святла.

Для ручной працы, кухняў або ванных пакояў мы раім лямпы з тэмпературай 4 000 кельвінаў, для працы за кампутарам або чытання — 2 700-3 000. Гэта святло жаўцейшае, утульнае і прыемнае воку. Але там, дзе важная натуральнасць колераў, яно не пасуе.

Верхняе святло таксама можна пакінуць. Заменіце жырандоль на металічны абажур. Нават за тры тысячы расійскіх рублёў можна знайсці сімпатычны варыянт, які не будзе свяціць абы-куды, а інтэлігентна падкрэсліць мэблю пад сабой.

Яшчэ добры спосаб дадаць утульнасці — накіраваныя свяцільні. Гэтым спосабам даўно і з поспехам карыстаюцца ў IKEA. Па сутнасці, споты выконваюць тую ж задачу: спускаюць святло са столі на ўзровень вачэй.

А для рамантычнага вечара святло калі і патрэбнае, дык не надта моцнае. Мы ў Happystation.ru прыдумалі лямпы з регуляванай зыркасцю. Калі трэба, яна свеціць ледзь-ледзь, нагадваючы лямпу Эдысана, а ў астатні час выконвае ролю дэкору і свяцільні адначасова.

 ванны пакой

Кажуць, што не існуе двух людзей, якія могуць паспяхова дзяліць ванны пакой раніцой. Калі ў вас сумесны санвузел, то лепш правілаў, якія абодва партнёра будуць выконваць, нічога не прыдумаць. І гэта тычыць не толькі мужчын з іх любоўю чытаць. Укладка і макіяж могуць займаць розны час. А калі ўнутранае імкненне да прыгажосці патрабуе больш за 20 хвілін, абсталюйце сабе месца ў спальні. Пара лямпаў — і там будзе гэтак жа светла і зручна, а ваш малады чалавек зможа спакойна дачытаць апошні пост. Ідэал, вядома, два ванныя пакоі. Але варыянт «дзве ракавіны і асобны туалет» таксама добры і цалкам рэалізуецца нават ва ўмовах арандаванай кватэры. І папрацуйце з гукаізаляцыяй, дайце шанец лодцы рамантыкі ня разбіцца аб рыф рэальнасці.

 гардэроб

Колькі б месца вы ні адвялі пад захоўванне вопртакі, на дваіх яго не хопіць. Тут мы прапануем, мабыць, радыкальны спосаб, але адзін з самых эфектыўных.

Трэба навучыцца дзяліць рэчы паводле сезона. Тады шафа вызваліцца на дзве траціны. Кантэйнеры для абутку і куртак можна захоўваць на антрэсолях, уцепленай лоджыі або спецыяльных складах, якія можна арандаваць з кімсьці на пару за пяць тысяч расійскіх рублёў на месяц: невялікія грошы ў параўнанні з душэўным спакоем.

Так вы будзеце рэгулярна рабціь ператрус вашаму гардэробу на прадмет залішняй вопраткі, і толькі так ваш шафа будзе выглядаць як у каталог у IKEA. Выслабаненыя месца лепш адвесці пад вешакі замест паліц: так вам будзе даступная ўся вопратка, а не толькі верхні пласт. Ну, і цішоткі будуць не вельмі пакамечаныя.

 дэкор

Тут мы раіць можам бясконца, але калі коратка — дадайце ў інтэр'ер «сваіх» рэчаў. Любіце кіно — павесьце пару постэраў з улюбёных фільмаў, матацыклы — пастаўце на паліцу шалом, любіце моду — пастаўце манекен. Гэтыя рэчы надаюць кватэры адметнасці. Ніякай дызайнер за вас гэтага не прыдумае. Так, гэта пылазборнікі, але мы, халера ясная, можам сабе гэта дазволіць! У нас у гасцёўні, напрыклад, стаіць матаролер 57-га года.

 сценкі

Можа стварыцца адчуванне, што мы любую праблему вырашаем дадатковай лямпай. Але чуму сучаснага дызайну інтэр'ераў — пустую сцяну — адной лямпай ня перамагчы. Пра тое, што павінна вісець на сцяне, можна доўга спрачацца, але хочам вам прывесці адзін прыклад.

Гасцініцы як ніхто ўмеюць лічыць грошы, яны нават шампуні пераліваюць у страшныя діспенсеры, прыкрываючыся клопатам пра прыроду. Але ніводнай дарогай гасцініцы не прыйдзе да галаву ашчадзіць на карціне або фатаграфіі. Людзі выбіраюць вачыма, асабліва выбіраючы гатэль. Ведаючы гэта, рэдкі гаспадар гатэля перакладзе адказнасць за гэты выбар на шпалеры або фарбу.

Мы завялі традыцыю з вандровак прывозіць белую фатарамку і ўстаўляць у яе кадр з паездкі. Ну, і прыгожых постэраў зараз болей, чым за часамі нашых бацькоў. Яны маглі абіраць хіба што паміж “Песнярамі” 70-х і “Песнярамі” 80-х.

 кухня

Ёсць такая модная рэч у амерыканскіх дамах — open concept floor plan. Яна мае на ўвазе вялікая адкрытую прастора ў кватэры ці доме: гасцёўня, сумешчаная з кухняй і яшчэ з чым-небудзь. Гэта зручна, таму што часцяком мы не рыхтуемся да прыходу гасцей, а гатуем разам з імі, за келіхам віна, паралельна ў што-небудзь гуляем і ў дадатак глядзім малое дзіцятка.

Кухні ў кватэрах, як правіла, невялічкія, але гэта папраўна. Паспрабуйце зрабіць кухню-гасцёўню: перацягнуўшы канапу або крэсла, прадугледзьце розную зыркасць асвятлення для гатавання і для шчырых сяброўскіх гутарак.

 кветкі

Калі вы іх любіце. Калі не — завядзіце ката ( «Сабаку», — дадае Міхаіл), але дома абавязкова павінна быць нешта жывое. Дбаць аб кімсьці — натуральная патрэба чалавека. Калі да сур'ёзных крокаў вы не гатовыя, ёсць і дызайнерскае рашэнне. Гадуйце на падаконні зеляніну для кулінарных эксперыментаў (гэта здолеюць нават тыя, у каго кактусы сохнуць). Сушаная пятрушка ў краме таксама грошай каштуе. А колькі існуе прыгожых гаршчкоў, збаноў, ваз, палівачак і ўсялякіх насценных паліц, куды ставіць гаршчкі з кветкамі, — вы сабе не ўяўляеце.

 гаўбец

Калі ёсць балкон (а ўжо тым больш калі ён — лоджыя ці цэлая веранда), то абавязкова павінен быць задзейнічаны. На гаўбцы можна захоўваць свае паркі з фуфайка, а можна ўвасобіць адзін з тых інтэр'ераў, якія чаруе погляд на фотаздымках нью-ёркскіх кватэр. Зараз і ў Маскве такіх становіцца больш з кожным цёплым сезонам. Пасадзіце дзікі вінаград у кашпо, каб ён абвіў усё вакол, пастаўце плеценыя мэблю, свечкі і ўладкоўвайце сняданкі на траіх з горадам.

 спальня

Напрыканцы. Павесьце люстэрка побач з ложкам. Бог з ім, з фэн-шуем. Проста павесьце люстэрка.

ФАТАГРАФІЯ НА ВОКЛАДЦЫ: www.countryroad.com.au