РэчыЧаму трэба карыстацца класічнай брытвай у форме літары “Т”

экалагічная альтэрнатыва

Смецце, які адпраўляецца на звалку чалавекам, — не толькі ежка і адзежка, але і прадметы асабістай гігіены. Адзін з самых пашыраных гатункаў смецця, на які часта не звяртаюць увагі, — гэта карпусы аднаразовых брытваў і брытвавыя касеты з вялікай колькасцю лёзаў. Самі лязы выштукаваныя так, што хутка псуюцца: ім патрабуецца замена праз адзін-два месяцы ўжытку. Пластыкавы корпус касеты будзе стагоддзямі гніць у прыродзе.

Выкарыстоўваючы сталёвую бяспечную брытву (у форме літары “Т”), або, як яе па-іншаму называюць, брытву з двума лёзамі, можна значна скараціць колькасць смецця, а таксама ашчадзіць на лязе. Пры гэтым якасць галення не знізіцца.

Брытвавы корпус пры ахайным выкарыстанні можа праслужыць свайму гаспадару ўсё жыццё, а адно лязо — ад аднаго да шасці месяцаў. Пры гэтым каштуюць яны недзе 4 долары за набор з пяці лёзаў. У параўнанні са зменнымі брытвавымі касетамі можна ашчадзіць прыкладна 50-80% пры замене ляза кожны месяц.

Як не параніцца

Праз неспрактыкаванасць T-брытвай можна лёгка парэзацца, аднак, калі выконваць наступныя правілы, то шкоды можна пазбегнуць:

 Трымайце брытву пад нахілам да скуры прыкладна ў 30 градусаў. Сучасныя лязы ўжо зроблены гэтак, што галоўка брытвы ля краёў трохі скошаная для інтуітыўнага выкарыстання.

 Пакуль галенне новым лязом не ўвайшло ў звычку, лепш не спяшацца і рабіць усё паволі.

 Зменныя ляза вельмі вострыя (асабліва новые), таму не прыціскайце брытву да скуры. Рухі павінны быць далікатныя і лёгкія.

Як брытву даглядаць:

Каб корпус і лязо праслужылі як мага даўжэй і на іх не ўтварылася іржа, яны патрабуюць адпаведнага дагляду:

 Пасля кожнага ўжытку брытву і ляза трэба рупліва прамыць з мылам і выцерці насуха.

 Брытву лепш захоўваць у сухім месцы. Вільготнае паветра ў ванным пакоі прыводзіць да хутчэйшага ўтварэння іржы, таму пераканайцеся, што памяшканне як след праветрываецца.

 Калі вы парэзаліся падчас галення, брытву лепш апусціць у спірт, каб прадэзінфікаваць яе.

Дзе купіць і як абраць прыдатную

Цэны на брытвы вагаюцца ад 1,5 долары за корпус са сталі і пластыка да 300 долараў за варыянт з фарфору з хромам. Бываюць і даражэйшыя калекцыйныя асобнікі. Як правіла, набор зменных лёзаў прадаецца разам з корпусам, але іх заўсёды можна набыць асобна. Часам брытву прадаюць ужо разам са скрынкай для захоўвання.

Выбіраючы брытву, звяртайце ўвагу на якасць металу і трываласць мацаванняў. У адваротным выпадку станок хутка сапсуецца.

Яяк утылізаваць

Выкарыстаныя лязы лепш складаць у асобную слоік ці скрынку — калі ёмістасць запоўніцца, іх можна аднесці ў пункт здачы металу. Праўда, туды лепш патэлефанаваць загадзя — каб даведацца, ці прымаюць ў гэтым пункце такі від сыравіны. Калі магчымасці аднесці лязы на перапрацоўку няма, дык іх лепш заканвертаваць у “родны” канверт і выкінуць. Каб ніхто не параніўся.