У гэтай рубрыцы The Village распавядае пра добрыя звычкі і простыя дзеянні, якія могуць у выніку зрабіць жыццё лепшым.

У нашай краіне з торбай-каляскай ходзяць збольшага пажылыя людзі, а ў Еўропе імі карыстаюцца ўсе. І вось чаму:

 Па-першае, гэта зручна. Каціць вазок значна лягчэй, чым несці пакет: можна не выбіраць паміж кілаграмам яблыкаў і сырнай галавой, баючыся, што данесці пакупкі да дома будзе надта цяжка. Па-другое, вазок вызваляе рукі: каб узяць нешта з паліцы або выбраць садавіну, больш не трэба вешаць пакеты, які ўядаюцца ў скуру, на локаць або запясце.

 Каляска развязвае яшчэ адну надзённую  праблему: парковачнае месца. Вядома, загрузіць ўсе прадукты ў багажнік зручна, але вось знайсці месца недалёка ад рынку – той яшчэ клопат, і каляска стане зручнай альтэрнатывай аўто. Больш за тое, нават калі вы ўсё ж такі здолелі прыпаркавацца, данесці прадукты да машыны ў вазку значна зручней, чым цягнуць у руках пакеты.

 Вазок зніжае нагрузку на пазваночнік. Цяжкія пакеты і нераўнамернае размеркаванне цяжару могуць прывесці да болю ў спіне, плячах і паяснічным аддзеле, таму, выбіраючы вазок, вы ў дадатак рупіцеся пра сваё здароўе.

 Адзін вазок значна больш экалагічная за купу пластыкавых пакетаў. Каляска дазволіць скараціць колькасць выкарыстанага пластыка за адзін паход у краму, да таго ж у ім можна захоўваць уласныя пакеты або нават баваўняныя торбы, якія можна выкарыстоўваць па некалькі разоў.

Парада

Вазкоў у продажы шмат. Складная мадэль зручная ў захоўванні, але не так ўстойлівая, як звычайны вазок. Таксама звярніце ўвагу на колы: занадта малыя колы будуць захрасаць у снезе або на стыках пліткі, таму лепш выбіраць тыя, што большыя. Калі вам цяжка падымаць вялікую вагу, звярніце ўвагу на вазкі з коламі-спінерамі — іх зручна падымаць па сходах. Аб'ём у вазкоў таксама розны, нейкія месцяць 45 літраў, іншыя — усе 70. Выбірайце зыходзячы з таго, якую колькасць прадуктаў вы купляеце за адзін заход.


Вокладка: lederware.de